Galaxy S10 қиёфани худди iPhone X каби танийди
Samsung Electronics компаниясининг навбатдаги флагманида фойдаланувчи юзини 3D тарзида таниб олиш функцияси жорий этилади. У худди iPhone X суперфлагманидаги Face ID каби ишлайди, деб ёзади The Bell нашри.
ЎҚИНГ: Samsung Galaxy S10 қандай бўлади?
Манба берган маълумотларга кўра, Samsung Galaxy S10 модели учун 3D-камера модули ва зарур дастурий таъминот устида Исроилнинг Mantis Vision стартапи ҳамда Namuga компанияси ҳамкорликда ишламоқда.
Namuga компанияси жанубий кореялик техногигантнинг бошланғич даражадаги смартфонлари, жумладан, Galaxy A ва J туркумларига мансуб моделлари учун камера модуллари етказиб берувчиси ҳисобланади. Шунингдек, у Intel RealSense тўлдирилган борлиқ камераларини ҳам етказиб бериш билан шуғулланади.
Таъкидлаш керакки, Samsung’нинг сўнгги флагманлари – Galaxy S9 ва S9+ смартфонларида олд камералар фойдаланувчини юзидан таниш учун 2D тарзида сканерлайди. Шу билан бирга, унда кўз ёйи сканери ҳам баравар ишлай олади.
ЎҚИНГ: Мутлақо ромсиз Samsung Galaxy X’нинг илк видеоси ва суратларини томоша қилинг!
