Galaxy S8 камераси iPhone 7 Plus’ни дуэлга чорлади

Galaxy S8 камераси iPhone 7 Plus’ни дуэлга чорлади

Samsung Galaxy S8’дан жуда кўп нарса кутдик: «тугалланмас» экран, 8 ядроли кучли процессор, кўзни сканер қилувчи технология, сифатли камера. Хўш, Galaxy S8 камерасининг имкониятини билиш учун уни рақиб бренди бўлмиш iPhone 7 Plus олган суратлар билан таққослашга киришдик.

iPhone 7 Plus флагмани 12 мегапикселли 6 элементли ва ёруғлик қабул қилувчи кенг объективли илғор камера модули (диафрагма стандарти — f/1,8) билан таъминланган. Аппаратнинг бош камераси қўш сенсорли тизим билан мақтаниши мумкин: кенг бурчак остида суратга олувчи 12 мегапикселли ҳамда телеобъективга эга бўлган яна бир 12 мегапикселли сенсорлар. Ушбу комбинация смартфонга манзарани 2 каррали оптик зум (рақамли 10 карралик) яқинлаштириш имконини беради.

Samsung Galaxy S8’нинг бош камераси, ўз навбатида, 12 мегапикселли ягона сенсори билан “кураш”га киришади. Унинг диафрагма стандарти f/1.7’га тенг ва суратни оптик барқарорлаштириш функциясига эга. Олдинга флагман смартфонларнинг камераларидан техник жиҳатдан фарқ қилмаса ҳам, камера иловасининг суратни олиш ва қайта ишлаш алгоритми бойитилган. Samsung Galaxy S8’да рақибидаги каби, қўш объективли камера йўқ. Бироқ, унда Dual Pixel технологияси мавжуд. Маълум бўлишича, бу технология телефонга ёруғлик паст шароитда ҳам яхши суратлар олишига ёрдам беради.

Қуйидаги суратлар Galaxy S8 ҳамда iPhone 7 Plus флагманларида бир хил шароитда олинган. Apple аппарати деталларга бой ва тўғри автофокуслаши билан илғор бўлса, Galaxy S8’нинг камераси ёруғлик паст шароитда ҳам сифатли сурат олиши билан диққатга сазовор.

Қуйидаги Galaxy S8 (чап томонда) ҳамда iPhone 7 Plus (ўнг томонда) флагманлари камераларининг “стандарт созламалари”да олинган суратларнинг сифатига ўзингиз баҳо беринг.


Қуйида Galaxy S8 (чап томонда) ҳамда iPhone 7 Plus (ўнг томонда) смартфонларида олинган видео тасвирларни эътиборингизга ҳавола қиламиз.

Хабарларни тез ва осон ўқиш учун Андроид иловамизни сақлаб олинг.