Galaxy S8 mini мавжудлигини Samsung рад этди
Жанубий кореялик гигант ўз
флагман смартфонининг ихчам варианти – Galaxy S8 mini моделини чиқариши ҳақида яқиндагина
хабарлар тарқалганди.
Энди эса, Samsung вакилларининг таъкидлашича, бу гаплар ёлғон экан, деб ёзади
ferra.ru.
Twitter’да Mmddj_china никли фойдаланувчининг ёзишича, Samsung
муҳандислари Galaxy S8 mini деган моделнинг умуман кўзда тутилмаганини айтишган,
дейилади хабарда.
Аввалроқ тарқалган гап-сўзларга қараганда, флагманнинг ихчам версияси томонлар нисбати 18:9 га тенг бўлган 5,3 дюймли экранга ва камроқ сиғимли батареяга эга бўлиши керак эди. Шунингдек, Samsung Galaxy S8 mini «юраги» ҳам бундайроқ – Qualcomm Snapdragon 821 чипи бўлиши, тезкор хотираси 4 ГБ, ички флеш-хотираси эса 32 ГБ бўлиши хабар қилинган эди.
Ишқилиб, то расмий маълумотлар эълон қилингунига қадар бу борада турли
гап-сўзлар тарқалаверса керак. Нима бўлганда ҳам, улардан биринчилар қаторида хабар топиш учун биздан узоқлашманг.
