Galaxy S8 смартфони S7 рекордини янгилади
30 мартдан бошлаб Samsung янги флагманлари учун олдиндан буюртма ола бошлади. Galaxy S8 ва Galaxy S8 + флагманларини аввалдан буюртма қилишнинг илк кунидаёқ гаджетлар “аждодлари” ўрнатган натижани янгилади. Бу тўғрида Samsung Electronics’нинг мобил воситалари бўйича бизнеси раҳбари Дон Джин Ко маълум қилган.
Samsung’нинг таҳлилига кўра, буюртмалар шу тахлит давом этса, S7’дан 100 долларга қиммат нархда сотувган чиқарилган Galaxy S8’га олдиндан берилган буюртмалар миқдори 2016 йилнинг омадсиз флагмани Galaxy Note7’нинг рекордини ҳам янгилайди. Аввалги йили 13 кун ичида 400,000 дона Note7’га аввалдан буюртма берилган.
Samsung компанияси Galaxy S8’га аввалдан, яъни 20 апрелга қадар смартфонларга буюртма берганларга чегирма жорий қилган ва совға сифатида $99 турадиган Gear VR виртуал воқелик шлеми ва унинг $130 доллар турадиган пультини, $150 турадиган AKG брендидаги махсус аудио-қулоқчин, $250 долларлик 256 ГБ сиғимли microSD хотира флешкасини, жами $530 долларлик совғалар беради.
Ҳозирча АҚШ, Буюк Британия, Нидерландия, Канада, Бразилия, Мексика, Испания, Франция, Германия, Италия, Ҳиндистон, Австралиядаги дилерлар Galaxy S8 учун олдиндан буюртма олишмоқда. Шунингдек, Amazon интернет дўконига ҳам 28 апрелдан бошлаб етказиб бериш нархлари билан бирга Galaxy S8’га $999.99, S8 Plus’га $1,299.99 доллар эвазига буюртма бериш мумкин.
