Galaxy S9’нинг тўққизта устунлиги: 1. Gorilla Glass 5 ҳимояли Super AMOLED дисплей (+видео)

  •   DiMaX
  •  1715
  •  28.02.2018 12:38

Galaxy S9’нинг тўққизта устунлиги: 1. Gorilla Glass 5 ҳимояли Super AMOLED дисплей (+видео)

Samsung компаниясининг тўққизинчи авлод флагман смартфони, бир қарашда, Galaxy S8 ҳамда S8+ девайсларидан айтарли фарқ қилмайдигандек кўринади. Аммо аслида Galaxy S9 ва S9+ моделларининг ўтган йилги «аждод»ларидан ва бошқа ишлаб чиқарувчиларнинг смартфонлардан устун бир нечта хусусияти мавжуд.

ЎҚИНГ: Расмий хабар: Galaxy S9 ва S9+ тақдим қилинди

Янги авлод флагманларининг афзалликларини намоён этиш мақсадида, жанубий кореялик техногигант тўққизта қисқа ролик эълон қилди. Уларнинг ҳар бирида Galaxy S9 ҳамда S9+ смартфонларининг битта устун жиҳати, энг қизиқарли жиҳати кўрсатиб ўтилади.

Мана, улардан биринчисида флагманлар дисплейининг ўзига хосликлари акс эттирилган:

Худди ўтган йилги Galaxy S8 моделидаги каби, «тўққизинчи галактика» ҳам ромсиз Infinity Display дизайнига эга, аммо S9 моделида Samsung экранга бир қанча яхшилашларни татбиқ этган. Жумладан, Super AMOLED туридаги дисплейнинг ҳимояси учун унинг устига янада қалинроқ Corning Gorilla Glass 5 ҳимоя шишаси ётқизилган.

Экраннинг юқорисида жойлашган кўзнинг рангдор пардаси сканери янада тўқ қора ранг ортига яширилган. Galaxy S9 тўрт хил рангдаги корпусда тақдим этилмоқда: қора, кўк, сиёҳ ранг ва кулранг.

ЎҚИНГ: Galaxy S9 тезкорлик бўйича AnTuTu'да имтиҳон топширди

Сайтимизнинг энг чиройли расмларини Инстаграмдаги саҳифамизда томоша қилинг!