Galaxy S9 савдоси «ишкал» билан бошланди, Samsung аллақачон узр сўради

  •   DiMaX
  •  3069
  •  16.03.2018 16:56

Galaxy S9 савдоси «ишкал» билан бошланди, Samsung аллақачон узр сўради

Яқинда тақдим этилган Samsung Galaxy S9 ҳамда Galaxy S9+ смартфонларининг савдоси бугун – 16 март куни бошланди. Бу моделларга дунё бўйлаб кўпчилик олдиндан буюртма берган бўлиб, уларни ҳам бугундан етказиб беришмоқда. Аммо АҚШда мазкур савдолар борасида қизиқ ҳолат юзага келди.

ЎҚИНГ: Galaxy S9 Samsung'ни хатоси бўлиши мумкин

Гап шундаки, Америка Қўшма Штатларида мижозлар янги смартфонни бевосита ўзларига хизмат кўрсатувчи уяли алоқа операторидан харид қилишади. Харид қилинган телефон қадоғининг ичидаги жамланмага эса шу операторнинг SIM-картаси ҳам киритилган бўлади.

Бугун савдоси бошланган Samsung Galaxy S9 моделларининг айримлари эгаларига етказилгач, улар қадоқда умуман бошқа оператор SIM-картаси борлигига гувоҳ бўлишган. Масалан, Sprint алоқа операторлари орқали Galaxy S9 буюртма қилган мижозларига Verizon компаниясининг SIM-картаси солинган жамланма етиб келган.

Шунингдек, алоқа операторини танлаган ҳолда Samsung.com сайтида ёки Shop Samsung иловаси орқали олдиндан буюртма расмийлаштирган харидорларга ҳам қадоғига бошқа оператор SIM-картаси солинган смартфонлар етказиб берилган.

ЎҚИНГ: Galaxy S9 олсамми ёки S9 Plus – "Малика"да яна бош қотди!

Бу каби ҳолатлардан шикоятлар кўп бўлганлиги сабабли, Samsung компанияси расмий баёнот эълон қилди. У смартфонларни қадоқлашда хатоликларга йўл қўйилганини, шу боис айрим харидорлар бошқа оператор SIM-картаси солинган жамланмалар етиб борганини тан олган ва узр сўраган.

Хабарга кўра, Samsung тезда ўз хатосини тўғирлаган – мижозларига ўз ҳисобидан «тўғри» SIM-карталар жўната бошлаган.

ЎҚИНГ: Galaxy S9+ таннархи ҳисобланди: инсоф ҳам керак-да, Samsung!