Galaxy S9 юзни таниш технологияси – Intelligent Scan билан танишинг! (видео)

Samsung компанияси Galaxy S9 ҳамда S9+ смартфонларини Барселонада бўлиб ўтадиган MWC 2018 кўргазмасининг «нолинчи куни» – 25 февралда намойиш этишидан хабарингиз бор. Тақдимот санаси яқинлашгани сайин, ушбу флагманлар хусусида тобора кўп маълумотлар чиқаётир.

ЎҚИНГ: Сир сақлашга ҳожат йўқ: Galaxy S9'нинг матбуот-суратлари тарқалди

Дастурчилар Samsung’нинг созламалар иловасини ўрганиб чиқиб, унда шу пайтгача маълум бўлмаган «Intelligent Scan» технологияси ҳақидаги қайдга дуч келишди. Бу ҳақда AndroidPolice нашри хабар бермоқда. Galaxy S8/S8+ учун тайёрланган Android Oreo бета-талқинида ёки бошқа русумдаги бирорта Samsung смартфони учун тайёрланган дастурий таъминотларда бундай атама учрамайди.

«Intelligent Scan» технологияси тавсифига кўра, у «ёмон ёритилган шароитларда ҳам энг яхши натижаларга эришиш учун кўзнинг рангдор пардаси сканери ҳамда юзни таниш технологиясининг бирикмаси»дан иборатдир.

Мана, унинг қандай ишлаши қуйидаги видеода акс эттирилган:

Ҳозиргача тарқалган гап-сўзларга қараганда, «Intelligent Scan» технологияси Galaxy S9 билан бирга тақдим этилади. Кейин эса Samsung уни ўзининг навбатдаги смартфон моделларига ҳам татбиқ этиши мумкин.

ЎҚИНГ: Сканерли дисплейга эга смартфоннинг сотувга чиқиш вақти ва нархи айтилди (+видео)