Galaxy X -- 2018 йилнинг энг илғор смартфони бўлади
Galaxy S9 флагманининг тақдимотига бир ойча вақт қолди ва биз унинг ташқи кўринишидан Galaxy S8 модели билан бир хил бўлишини биламиз. Шу кунларда кореялик инноватор мухлислари диққатини бошқа хабарга қаратишга уринмоқда. Маълумотларга кўра, Galaxy Note 9 янада илғор ва "сунъий интеллект" тизими, виртуал бармоқ изи сканери билан ўзига хос бўлади.
Шу билан бирга, куни кеча яна бир кутилмаган хабар тарқалди. Ундан айтилишича, Samsung жорий йилда илк маротаба 3 та флагманни тақдим этади. Айнан учинчи флагман энг илғори бўлади. Бу ерда гап Galaxy X — «афсонавий» букланувчи смартфон ҳақида кетмоқда. Бу флагманнинг февралда ўтадиган CES 2018 кўргазмасида тақдим қилиниши кутилмоқда.
Кеча Samsung компанияси ўзининг 2017 йил тўртинчи чоракдаги натижалари ҳақида маълум қилиб, Galaxy X тўғрисида ҳам тўхталиб кетди. Samsung тезкор ва доимий хотира чиплари ўтган йилда рекорд даражада сотилганини эълон қилиб, бу йилда букилувчан смартфоннинг тақдим қилинишини ҳам айтиб кетди.
«Мобил қурилмалар масаласида Samsung юқори технологияларга асосланган смартфонлар ишлаб чиқаришни давом эттиради. Жумладан, бу йил OLED-дисплейли ва букилувчан корпусли гаджетларни ишлаб чиқарамиз. Бундай қайишқоқ OLED-экранларни икки буклаш мумкин бўлади», дейилган компания томонидан.
