Google’дан ажойиб бешлик: Daydream View VR-шлем (Видео)

Кеча АҚШда ўтказилган тақдимотда Google компанияси Pixel сериясидаги смартфонлар билан бир қаторда Daydream View VR-гарнитурани мухлислар эътиборига ҳавола қилди. Мазкур қурилма қидирув гиганти томонидан 2016 йилнинг бошида Google I/O конференциясида намойиш этилган Daydream платформасида ишлайди. Ушбу VR-гарнитура ўзига хос дизайнга эга бўлиб, бошқа бу каби қурилмалардан аппарат қисмида ишлатилган материаллар билан фарқланади. Гарнитуранинг ташқи тарафи уни бошга тақиш ва фойдаланиш қулай бўлиши учун юмшоқ газлама билан ўралган. Натижада қурилманинг вазни ҳам анча камайган.

VR-гарнитура фақат Daydream платформасини қўллаб-қувватлайдиган гаджетлар билан ишлайди. Гарнитура ҳеч қандай ортиқча симларсиз смартфонга улана олади.

Виртуал реалликка мўлжалланган мазкур гаджет ноябрь ойида 79 доллар нарх билан сотувга чиқарилади.