Gresso’дан ярим миллион доллар турадиган iPhone 7
Шу ойнинг бошида намойиш этилган iPhone 7 ўзининг аввалги ўтмишдошларидан ташқи томондан катта фарқ қилмайди. Бироқ ўз гаджетларини бошқаларнинг қурилмаларидан ажралиб туришини истайдиганлар учун люкс туркумидаги телефонлар ишлаб чиқарувчиси бўлган Gresso компанияси қора бриллиантлар билан безалган iPhone 7 моделининг махсус версиясини таклиф қилмоқда.
Gresso ҳар бири 500 000 АҚШ доллари турадиган 3 хил экземплярни сотувга қўйган. Мазкур ҳашамли iPhone 7 моделининг орқа корпуси жами оғирлиги 102 карат бўлган 1450 хил қимматбаҳо тошлар билан безалган, корпуснинг ўзи эса 5 классдаги титандан тайёрланган.
Gresso логотипи ва камера гардиши 18 каратли олтиндан ишланган. Бундан ташқари, смартфон ўрамига қора рангдаги жами вазни 2 карат бўлган 30 та қора бриллиантлар билан безатилган эксклюзив Apple AirPods наушниклари ҳам киритилган.
Бундай қимматбаҳо смартфон ва наушникларни тайёрлаш учун тахминан 18 соат вақт сарфланади. Албатта, барча ишлар Gresso заргарлари тарафидан қўлда бажарилади. Заргарлар асос сифатида 256 ГБли iPhone 7 моделидан фойдаланадилар. Ҳар битта бундай iPhone 7 ўз корпусида тегишли тартиб рақамига эга бўлади.