Ҳамёнбоп Honor 6C Pro тақдим қилинди

Ҳамёнбоп Honor 6C Pro тақдим қилинди

Huawei компаниясига қарашли Honor бренди Франция ва Европа ҳудудидаги бошқа давлатларда Honor 6C'нинг такомиллашган -- Honor 6C Pro талқинини намойиш қилди.

Honor 6C Pro 5,2 дюймли, 1280х720 пиксел сиғимли дисплей, 8 мегапикселли олд ва 13 мегапикселли бош камера (f/2.2 диафрагма) билан таъминланган. HD дисплей 2.5D шаклидаги қайрилма шиша билан қопланган.

Девайснинг аппарат таъминоти 8 ядроли МТ6750 чипсет, 3 Гб тезкор ва 32 Гб доимий хотира ўрнатилган.

Металл корпуснинг қалинлиги 7,65 мм ва унинг асосий майдонини электр токи сиғими 3000 мА соат бўлган аккумулятор эгаллаган.

2 сим-картали Honor 6C Pro гибрид бўлмачага эга бўлган. Яъни, битта сим-карта ўрнига 128 гигабайтгача бўлган флешкани қўйиш мумкин.

Девайс ўлчамлари: 147,9 x 73,2 x 7,65 мм, вазни — 145 грамм.

Honor 6C Pro Android 7.0 Nougat'га асосланган EMUI 5.1 тизими бошқарувида ишлайди. Смартфон LTE, Wi-Fi (802.11b/g/n), Bluetooth 4.1, GPS/A-GPS/ГЛОНАСС тармоқларини ҳам қўллаб-қувватлайди ва USB Type-C портига эга.

Huawei Honor 6C Pro смартфон бозорига 200 АҚШ долларидан сотувга чиқарилади. 

Terabayt.uz сайтининг видеолари: Youtube'даги каналимизда!

Шуҳрат Сатторов

Журналист ва таржимон, 2012 йилдан ахборот технологиялари соҳасида фаолият юритиб келмоқда. Мобиль технологиялар, коммуникация, "электрон ҳукумат" тизими йўналишларида илмий изланиш олиб боради.