Ҳамёнбоп, лекин нақ тўртта камерали Redmi Note 6 Pro’ни «жонли» расмларда кўринг!
Xiaomi компанияси арзон смартфонлар туркумида Redmi Note 6 ҳамда Note 6 Pro моделларини тайёрлагани ҳақидаги маълумотлар август охирида чиқа бошлаганди. Кейинчалик уларнинг хусусиятлари турли мамлакатларнинг тегишли идоралари томонидан сертификациядан ўтказилганлиги аниқланди.
ЎҚИНГ: Тақдим этилмаган Redmi Note 6 ва Redmi 6 Plus смартфонларини аллақачон «қисмлаб териб» сотишяпти!
Бугун – 2018 йилнинг 17 сентябрида эса инсайдерлар Redmi Note 6 Pro моделининг асосий техник жиҳатларини акс эттирувчи иккита «жонли» расмни тарқатиб юборишди.
Маълум бўлишича, ушбу гаджет диагоналига 6,26 дюймлик экранга эга, дисплейининг тасвир аниқлиги эса 2280х1080 пикселга тенг. Дарвоқе, Xiaomi унинг экранини томонлари ўзаро 19:9 нисбатли қилиб ишлаган.
Смартфонда жам тўртта объектив бўлади. Унинг асосий камераси 12 ва 5 мегапикселли иккита датчикдан иборат блок ҳолида. Селфи-камера ҳам қўшалоқ, шу билан бирга янада кучлироқ – 20 ҳамда 2 мегапикселли сенсорларни ўз ичига олади.
ЎҚИНГ: Xiaomi расман Mi 8 Fingerprint Edition смартфонини кўрсатиб, тақдимот кунини ҳам айтди!
Redmi Note 6 Pro техник таъминоти асосини Snapdragon 660 процессори ташкил этади. Мазкур чип максимал 2,2 ГГц такт частотасида ишлай олувчи саккизта Kryo 260 ядросини, Adreno 512 график контроллери ҳамда 600 Мбит/с.гача тезликда маълумот алмашишга қодир бўлган X12 LTE уяли модемини ўзида жамлаган.
Янги смартфон 4 гигабайтлик тезкор хотирага ва 64 гигабайтлик доимий хотирага эга. Аккумулятори ҳам зўр – ток сиғими 4000 мА/соатга тенг.
Xiaomi Redmi Note 6 Pro қачон тақдим этилиши ва савдога қўйилиши масаласи ҳозирча очиқ қолмоқда. «Хитойча Apple»нинг шу пайтгача бозорга чиқарилган аксарият смартфонларини, ҳатто яқинда тақдим этилган «Тезкорлик устаси» – Pocophone F1 ҳамёнбоп флагманини ҳам Terashop.uz интернет-дўконимиздан расмий кафолати билан онлайн харид қилиш имкони бор.
