Ҳамёнбоп смартфонларнинг процессорлари қанақа бўлади?
Смартфоннинг техник таъминотидаги энг муҳим жиҳат – процессор эканини биламиз. Бироқ уларнинг ҳам турлари кўп ва ҳар хил телефонларга ўрнатиладиган процессорларнинг хусусиятлари ҳам турлича. Жумладан, яқинда эълон қилган мақоламизда биз энг арзон (ҳамёнбоп ҳам эмас!) смартфонларга қўйиладиган процессорлар ҳақида сўз юритганмиз.
ЎҚИНГ: Энг арзон смартфонлар: уларга қандай процессорлар қўйилади?
Бугун эса сизга энг оммалашган ҳамёнбоп смартфонларда қўлланувчи процессорлар хусусида маълумот бермоқчимиз. Одатда бунақа телефонларга қўйиладиган процессорлар тўрт ёки саккиз ядроли бўлади.
Турган гапки, чипларнинг барча хусусиятлари, архитектураси ҳақида батафсил маълумот беришнинг имкони ҳам, кераги ҳам йўқ. Фақат қуйидаги жадвалда уларнинг номлари (моделлари) келтирилган, улар яхшироқдан «бундайроқ»қа қараб терилган. Шуни эслаб қолсангиз бас – ўта арзон смартфон танлаётиб, шу рўйхатда имкон қадар юқорироқда турган процессорга эга моделни олаверасиз.
|
Процессорлар ҳақида қисқа маълумот |
Модификациялар (моделлар) |
|
Ўз даврида олий саналган, ҳозирда ҳамёнбоп смартфонлар учун энг зўр процессорлар. Иккиланмасдан олиш шарт! |
Qualcomm Snapdragon 650 (MSM8956), 800 (MSM8974), 801 (8974v3) |
|
Тўлақонли саккиз ядроли, яхши процессорлар. Оқилона танлов. |
MediaTek MT6752, MT6755 (Helio P10), MT6795 (Helio X10); Qualcomm Snapdragon 415 (MSM8929), 430 (MSM8937), 615 (MSM8939), 616 (MSM8939v2) |
|
Паст частотали, саккиз ядроли. Ишлатса бўлади! |
MediaTek MT6750, MT6753; HiSilicon Kirin 620 |
|
«Розеткага яқинроқ бўлишга ундовчи» – тезкор, аммо очофат процессорлар. Амалласа бўлади. |
NVIDIA Tegra 4i; MediaTek MT6591, MT6592, MT6595 |
|
Тўрт ядроли, эскирган моделлар. Навигацияси яхши ишламайди, аксариятида 4G йўқ. Лекин тезкор ва арзон. Чидаса бўлади. |
MediaTek MT6582, MT6580, MT6582M, MT8321, MT8382; Qualcomm Snapdragon 400 MSM8228, MSM8626, MSM8926; Samsung Exynos 3475 |
|
Тезкор ва тежамкор, лекин тўрт ядроли процессорлар. Ишлатиш имкони бор. |
MediaTek MT6735, MT6732, MT6732M; Qualcomm Snapdragon 410 |
|
Эскирган ва GPS яхши ишламайдиган, ўйинларга ярамайдиган процессорлар. Олмаган маъқул. |
MediaTek MT6589, MT6589T; Spreadtrum SC7731G, SC9830 |
|
Ҳозирда кам қўлланадиган, хусусиятлари паст процессорлар. Умуман тавсия этилмайди! |
NVIDIA Tegra 3; Qualcomm Snapdragon S4 Pro (APQ8064); Samsung Exynos 4412 |
ЎҚИНГ: $100 долларлик Meizu M6 нимаси билан ўзига хос?
Хуллас, агарда ҳамёнбоп смартфон олишга қарор қилган ва бунда процессорга аҳамият берадиган бўлсангиз, имкон қадар чипи саккиз ядроли бўлган моделларни изланг. Тўрт ядроли процессорлар эса операцион тизимнинг нисбатан «енгил» талқини ўрнатилган телефонларга бўлаверади. Уларда асосий функциялар яхши ишласа-да, «оғирроқ» ўйинларга унча ярамайди.
Демак, умумлаштириб айтадиган бўлсак, юқоридаги жадвалнинг имкон қадар юқорироқ қаторларидан ўрин олган процессорлардан бирига эга смартфонни танлашни тавсия этамиз. Агарда онлайн савдо платформалари орқали телефон харид қиладиган бўлсангиз ҳам, процессорининг хусусиятларига диққат қилинг.
ЎҚИНГ: AliExpress’даги товарларга «Terabayt.uz» орқали буюртма беринг!
