Honor V10 автономлиги энг кучли флагманлардан бири бўлиб чиқди
Huawei компанияси Honor суббренди остида турли нарх тоифаларига мансуб смартфонлар тақдим этиб келаётир. Бу туркумдаги Honor V10 флагманининг 16 мегапикселли RGB-сенсор ҳамда 20 мегапикселли монохром сенсорлардан иборат асосий камераси ҳам, 13 мегапикселли селфи-камераси ҳам «сунъий идрок» тизими билан тўлдирилган.
ЎҚИНГ: Huawei ромсиз экранли Honor V10’ни расман тақдим этди
Ушбу модел дунё бозорига Honor View 10 номи билан тақдим этилган бўлиб, аллақачон бир нечта мамлакатларда катта талаб билан сотилаётир. Зеро, 474 доллардан бошлаб сотувга чиқарилган бу девайс бошқа смартфонсозларнинг бундан анча қиммат флагманлари билан ҳам беллаша олади.
ЎҚИНГ: CES 2018: Honor'нинг "флагманлар кушандаси" сотувга чиқарилди
FoneArena ресурси Honor V10 смартфонининг автономлиги, яъни қуввати қанча узоқ вақтга етишини синовдан ўтказиб кўрди. Мутахассислар қурилмани турли томондан фойдаланиб синаб кўришди – 3G ва Wi-Fi орқали интернетда кезиш, телефонда гаплашиш ва видео томоша қилиш каби. Натижаларга кўра, у автономлик бўйича смартфонлар бозоридаги флагманлар орасида энг юқори ўринлардан бирини эгаллади.
Мана, қуйида турли функциялари бўйича фойдаланишда Honor V10 қуввати қанча вақтга етиши бошқа флагманларларнинг шу кўрсаткичлари билан солиштириб кўрсатилган:
Телефонда гаплашиш вақти бўйича иккинчи ўринда – 33 соату 31 дақиқа:
3G тармоғи орқали интернетга киришда учинчи ўрин – 8 соату 27 дақиқа:
Wi-Fi тармоғи орқали интернетдан фойдаланиш бўйича эса Honor V10 энг юқори чўққини забт этган – нақ 12 соату 47 дақиқа!
Видеолавҳалар томоша қилишда бироз пастроқ – олтинчи ўринда, 11 соату 14 дақиқа:
Аккумуляторининг тез тўлиши бўйича учинчи ўринда – 1 соату 22 дақиқа:
Кутиш режимида эса иккинчи ўрин – қуввати 53 соатга етган:
FoneArena ходимлари стандарт фойдаланишда Honor V10 қуввти 16 соату 27 дақиқага етишини аниқлашган. Агар 3750 мА/соат сиғимга эга аккумулятор билан жиҳозланганлиги, дисплейи 5,99 дюймлик эканлигини ҳисобга олсак, бу жуда яхши кўрсаткич. Бу натижага эришишда унинг «сунъий идрок» тизимига эга Kirin 970 процессори ҳам катта роль ўйнайди.
