HTC сентябрь ойида иккита Desire смартфонларини тақдим этади
Тайваннинг HTC компанияси яқинлашаётган IFA 2016 кўргазмасида бир йўла иккита – Desire 10 Pro ва Desire 10 Lifestyle моделларини тақдим этмоқчи. Бу ҳақда мобил саноат блоггери Эван Блас хабар берган. Блоггер берган маълумот кўра, Desire 10 Lifestyle 5.5 дюймли экран, номи маълум қилинмаган Snapdragon процессори, 2 ГБ тезкор ва 16 ГБ доимий хотира (ҳудудга қараб 3 ГБ тезкор ва 32 ГБ доимий хотира бўлиши ҳам мумкин) ҳамда 13 МП/5 МП чақноқли камераларга эга бўлади. Смартфон тилларанг ҳошияли кўринишда бўлиши ҳақида хабар берилган.
Desire 10 Pro ва унинг техник кўрсаткичлари тўғрисида бирор маълумот келтирилмаган. Бироқ қурилманинг номига қараб у ўз параметрлари бўйича Desire 10 Lifestyle смартфонидан устун бўлишини тахмин қилиш мумкин.
Ушбу смартфонлар ҳам Desire сериясининг бошқа смартфонлари каби ўртача нарх сегментида савдога қўйилади.
