Huawei GR5 2017 эгалари Nougat тизимини юклаб олишлари мумкин
Интернет тармоғида Huawei GR5 смартфонининг 2017 йилда тақдим этилган талқини эгалари томонидан компания уларга Android 7.0 Nougat тизимининг ўзлаштирилган EMUI 5.1 талқинини янгилаб олиш имконини яратгани тўғрисидаги хабарлар эълон қилинмоқда.
Сиз ҳам 2017 йилга мансуб Huawei GR5 смартфонидан фойдалансангиз, операцион тизимни Android 7.0 Nougat’га янгилаб олинг. Натижада, фойдаланувчи интерфейсидаги такомиллашган “клинер”, яъни кераксиз файлларни тозалаш иловаси, намойиш иловаларининг қулайликлари ҳамда қурилма хавфсизлигини таъминлайдиган янги жиҳатлардан фойдаланиш имкониятига эга бўласиз. Шунингдек, Huawei камера иловасининг фаолиятини ҳам бойитган. Энди камерада олинган суратлар янада табиий кўринишга эга бўлади.
Қулай Huawei Share функцияси ёрдамида WiFi ҳамда Bluetooth орқали Huawei смартфонидан бошқа Huawei смартфонига файлларни янада тезкор ўтказиш имкони мавжуд.
Смартфонга янги талқинни юклаб олиш учун барқарор ва сифатли интернет ҳамда камида 50 фоиз қувватга эга аккумулятор бўлса, “созламалар” орқали “тизимни янгилаш бўлими”га киринг ва “янгилаш” тугмасини босинг.
