Instagram сизни кузатишини биласизми? Унинг таъқибидан қутулиш йўлини-чи?

  •   DiMaX
  •  1967
  •  22.01.2018 17:57

Instagram сизни кузатишини биласизми? Унинг таъқибидан қутулиш йўлини-чи?

WhatsApp ва Facebook Messenger иловалари сингари, Instagram’нинг Direct бўлими ҳам сизнинг дўстларингиз ҳамда обуначиларингизга сизнинг сўнгги фаол бўлган вақтингиз ҳақида маълумот беради. Бироқ ушбу дастурнинг яқинда янгиланган талқинида битта функция қўшилган бўлиб, у сизга ушбу таъқибдан қутулиш имконини беради.

ЎҚИНГ: Facebook кузатувини чеклаймиз

Instagram’да фойдаланувчининг номи остидаги Direct бўлимига кирсангиз, у охирги марта қачон иловадан фойдалангани ҳақидаги маълумотни кўришингиз мумкин. Худди шунингдек, сизнинг Instagram’даги сўнгги ҳаракатингиз вақти ҳам бошқаларга кўринади. Қуйида шуни ўчириб қўйиш йўлини кўриб чиқамиз.

Бунинг учун экраннинг пастидаги ўз профилингиздаги асосий суратингиз («аватарка») белгичасига босасиз. Кейин юқорига кўтарилиб, созламаларни англатувчи шестерняча белгичасини босасиз. Сўнг эса пастга варақлаб, Show Activity Status бандини топиб, уни ўчириб, яъни «ВЫКЛ» ҳолатига келтириб қўясиз. Ушбу функция номи ҳозирча инглизчада бўлса-да, маъносини англаган бўлсангиз керак: «Фаоллик ҳолатини кўрсатиш».

Шундай осонгина йўл билан сиз ўзингизнинг Instagram’даги фаоллик вақтингизни яширишингиз мумкин. Аслини олганда, бу маълумот ўзингиздан бошқа кимга ҳам керак, тўғрими?

Дарвоқе, сайтимизнинг Instagram’даги профилига обуна бўлиб улгурмаган бўлсангиз, мана бу ҳавола орқали буни ҳозироқ амалга оширишингиз мумкин.

ЎҚИНГ: Смартфонингиз таъқибидан қутулишни биласизми?

Сайтимизнинг энг чиройли расмларини Инстаграмдаги саҳифамизда томоша қилинг!