Intel 2 баробар тез, 40 % самарадор 8-авлод чипларини тақдим қилди

Intel 2 баробар тез, 40 % самарадор 8-авлод чипларини тақдим қилди

Intel компанияси Intel Core процессорлар оиласининг 8-авлодини тақдим қилди. Унинг ишчи номи Coffee Lake деб номланган. Мазкур процессорлар мобил гаджетларга мўлжалланган бўлиб, 2 таси 1 да тамойили асосида яратилган гибрид, юпқа ва енгил ноутбукларда фойдаланилади. Intel'нинг тасдиқлашича, 8-авлод Intel Core процессорлари (U-series) компаниянинг энг тезкор платформалари бўлиб, уларнинг ишлаш самарадорлиги 7-авлод чипларига қараганда 40 фоизга юқори.

Деярли 2 баробар тезкор!

Янги чиплар 4K, VR, 3D ҳамда бошқа турдаги видео контентни қайта ишлашга ихтисослашган. Платформа HD 620 график-тасвирларни қайта ишлайдиган видео-картага эга.

Инновацион чипларнинг тезкорлиги масаласига тўхталар экан, Intel'нинг эътироф этишича,  Coffee Lake чипларига қўшимча 2 та ядро қўшилгани ҳисобига улар Kaby Lake процессорларига қараганда маълумотни деярли 2 баробар тезкор қайта ишлайди.

Янги конфигурация

Айтганимиздек. янги авлод процессорларидаги самарадорликнинг ошиши 4 ядроли янги тизим, шу билан бирга қувватни тежайдиган микроархитектура, маълумотларни қайта ишлаш жараёнининг мақбуллаштирилиши ҳисобига амалга оширилган.

Intel компаниясига кўра, 8-авлод Intel Core процессорлари тўлиқ қувват билан UHD 4K сиғимли видеони 10 соат намойиш қилиш салоҳиятига эга. Яна бир муҳим жиҳати -- бу процессорлар ўрнатилган гаджетлар қадоқдаёқ Microsoft Mixed Reality аралаш воқелик технологиясини қўллаб-қувватлайди.

Қачон ишлаб чиқаришга жорий қилинади?

Intel Core i5 / i7 базасига ўрнатилган 8-авлод процессорлари ўрнатилган илк гаджетлар яқинлашиб келаётган сентябрда тақдим қилинади.

Terabayt.uz сайтининг видеолари: Youtube'даги каналимизда!