iOS учун Telegram 4.6 тақдим этилди: Android’дагидан устунликлари нимада?

Оммабоп Telegram мессенжерининг iOS операцион тизими учун чиқарилган иловаси бугун 4.6 версиясига қадар янгиланди. Мессенжердаги Telegram News канали бу ҳақда пост эълон қилган.

ЎҚИНГ: Telegram’даги ёзишмани бутунлигича сақлаб олишни биласизми?

Мазкур талқинда «тишланган олмали» гаджетлар соҳиблари учун яна бир нечта имкониятлар тақдим этилган:

1. Медиа-файлларнинг автоматик сақланиши ҳамда кирувчи хабарлардаги фотосуратларни сақлаб қўйиш учун янги, кенгайтирилган созламалар мавжуд.
2. Instagram’даги постлар ҳамда Twitter’даги твитларда бир нечта фотосуратли бўлса, уларни ҳавола орқали дастлабки кўришда альбом сифатида акс эттирилади.
3. Мессенжердаги оммавий каналлар ҳамда гуруҳлардаги хабарлар учун ички HTML-виджет тақдим этилган.
4. Махфий чатлар энди альбомларни ҳам қўллаб-қувватлайди.
5. Исталган хабардан экраннинг чап томонига силаб, унга жавоб ёзиш мумкин.
6. Илова орқали қўнғироқ қилишда, қачон Peer-to-Peer (сервер иштирокисиз қўнғироқ) функциясини қўллаш имконияти қўшилган.
7. iOS 6 тизим талқинида илованинг ишлаши билан боғлиқ хатолик тузатилган.
8. Илованинг ишга тушиш ва умуман ишлаш тезлиги сезиларли даражада оширилган.
9. Бошқа яхшилаш ва тузатишлар тақдим этилган.

Таъкидлаб ўтиш керакки, мазкур рўйхатнингдаги 5–7-бандларда кўрсатилган ўзгаришлар Telegram’нинг фақатгина iOS-иловасидаги 4.6 талқинида тақдим қилинган.

ЎҚИНГ: «Terabayt.Uz» тавсия этади: фойдали Telegram-каналлар

Яна бир муҳим янгилик: Telegram iOS 4.6 талқинининг чиқиш кодлари ҳам тақдим этилган. Дастурчилар ушбу ҳақола орқали ўтиб, уларни олиб фойдаланишлари мумкин.

Apple қурилмалари эгалари Telegram иловасини мана бу ҳавола орқали юклаб ёки янгилаб олишлари мумкин.

 Хўш, севимли мессенжернинг янги  имкониятларидан фойдаланамизми?