iPhone 7 Plus олган илк суратлар чоп қилинди

iPhone 7 Plus олган илк суратлар чоп қилинди

Жорий йилнинг февраль ойида Apple раҳбари Тим Кук ўзининг Twitter ижтимоий тармоғидаги саҳифасида Америкача футбол бўйича жаҳон кубоги мусобқаларида iPhone 6s аппаратида олинган фотосуратларни эълон қилгани учун фойдаланувчилар томонидан турли ҳазилларга рўбарў бўлган эди. Аммо, Apple раҳбари буларга эътибор қилмасдан, компания яқиндагина тақдим этган iPhone 7 Plus телефон аппаратида олинган навбатдаги фотосессияни Twitter саҳифасида эълон қилди. Суратларнинг асл талқини Sports Illustrated нашри томонидан чоп этилган.
Аҳамиятли жиҳати шундаки, бу фотосессияни олиш учун компания раҳбари шахсан Sports Illustrated’нинг спорт бўйича фотографи Дэвид Е. Клутони жалб қилган. Икки камерали iPhone 7 Plus билан “қуролланган” Америкача футбол бўйича мусобақаларни суратга олган.

Қуйидаги фотосессия “Жараён юзда намоён” деб номланди.

Apple iPhone 7 Plus ҳар бири 12 МПли қўш камерага эга бўлган (диафрагма — f/1.8). Қўш камералардан бири кенг бурчакли сурат олса, бошқаси фокусни ўрнатадиган телеобъектив вазифасини бажаради. Apple’нинг маълум қилишича ушбу камералар сифатни сақлаб қолган ҳолда икки карралик оптик зумда суратлар олади. Шунингдек, бу технология фокус нуқтасини нафақат тасвирга олиш пайтида, балки ундан кейин ҳам ўзгаритириш имконини беради.
Камера объективида 6 та линза ўрнатилган. Энди фоточақноқ 2 эмас, 4 та диодли бўлди, яъни қоронғу шароитда суратлар энди янада ёрқин. iPhone 7 Plus’да олд камерада барқарорлаштириш тизими ўрнатилган.

Хабарларни тез ва осон ўқиш учун Андроид иловамизни сақлаб олинг.