iPhone 8'нинг «Россиянинг бойликлари» туркуми эълон қилинади
Зийнатланган қимматбаҳо iPhone тайёрлаб сотишга ихтисослашган Россиянинг Caviar компанияси iPhone 8'га бағишлаб «Россиянинг бойликлари» айфон туркумини сотувга чиқаришини эълон қилди.
Бу туркумдаги айфон моделларининг корпуси 3 талқинда ишлаб чиқарилади. Tesoro Oil моделига гўёки оқиб тушаётган ялтироқ нефт хомашёси билан безак берилган. Қаҳраболи Amber ҳамда рус берёзасининг ҳақиқий ёғочи билан безатилган Berezka моделлари ҳам ўзига хос услубда тайёрланган.
Смартфонлар дизайнидаги яна бир муҳим жиҳати -- табиий усулда безалган корпус устига Россия давлат герби ва мадҳияси ўрин олган металл ўрнатилган. Компания бу iPhone 8'ларни 3.3 минг доллардан сотишни режа қилмоқда.
