iPhone SE 2 «жонли» видеода кўрсатилди: фейкми ёки ҳақиқий?

Apple корпорацияси жорий йилда iPhone SE смартфонининг иккинчи авлодини тақдим этиши ҳақида миш-мишлар чиққанига анча бўлган. Янги моделнинг жонли расми, концепт суратлари ва ҳатто видеоси ҳам эълон қилинган.

ЎҚИНГ: Apple март ойидаёқ iPhone SE (2018) моделини чиқармоқчи (+видео)

Япониянинг Macotakara сайти куни кеча қисқа бир видеолавҳага эътибор қаратди – манбага кўра, унда худди шу iPhone SE (2018) (ёки iPhone SE 2) модели акс этган. Бу ролик аслида илк бор бундан бир неча кун аввал Weibo ижтимоий тармоғида эълон қилинган ва минглаб фойдаланувчилар томонидан томоша қилинган.

Видеороликда кўрсатилган iPhone SE 2 дисплейи iPhone X суперфлагмани дизайнида: унинг тепа қисмидаги «кемтик»да Face ID ва бошқа датчиклар ўрнатилган. Смартфон орқа қопқоғининг юқори чап бурчагидаги қўшалоқ камера ҳам юбилей айфонидаги сингари тикка жойлашган. Қурилманинг корпуси ўткир металл қирралари билан биринчи авлод iPhone SE смартфонига жуда ўхшаш.

Мана, уни бирга томоша қиламиз:

ЎҚИНГ: Барча iPhone моделлари битта расмда – энг чиройлиси аниқланди!

Ушбу видеороликда акс этган смартфон чинданам ҳали эълон қилинмаган iPhone SE (2018) моделими, ёки навбатдаги iPhone X клоними – буни аниқлашнинг имкони йўқ.

Лекин купертиноликлар оммабоп ихчам айфоннинг иккинчи авлодини чинданам чиқаришмоқчи эканини кўплаб нуфузли таҳлилчи компаниялар, жумладан, KGI Securities ҳам эътироф этган.

Apple iPhone SE 2 (2018) тақдимоти жорий йилнинг биринчи ярмида бўлишини прогноз қилишган, аммо бу айфоннинг хусусиятлари ва дизайни борасида тарқалган маълумотлар турлича.

ЎҚИНГ: Apple iPhone SE 2 (2018): энг сўнгги ишончли тафсилотлар