iPhone SE 2 рекламаси YouTube’га чиқди – унинг тақдимоти яқинми?

  •   DiMaX
  •  2076
  •  24.05.2018 19:30

iPhone SE 2 рекламаси YouTube’га чиқди – унинг тақдимоти яқинми?

Ҳозирги пайтда купертинолик техногигантнинг иккинчи авлод ихчам айфони – iPhone SE 2 модели бутун дунёда энг кутилаётган смартфонлардан биридир. Бу қурилманинг бир нечта суратлари, видеолари тарқалган бўлса-да, Apple улардан бирортасини ҳам тасдиқламаган.

ЎҚИНГ: iPhone SE 2 «жонли» видеода кўрсатилди: фейкми ёки ҳақиқий?

YouTube видеохостингидаги Concept Creator каналида эса ҳали тақдим этилмаган ва ҳатто расман маълум қилинмаган шу iPhone SE 2 рекламаси эълон қилинди. Девайснинг ташқи кўриниши у ҳақда шу пайтгача тарқалган кўплаб миш-мишларга мос келадики, бу ҳол кишини ушбу телефоннинг ҳақиқийлигига ишонишга ундайди.

iPhone SE 2 (2018) модели ҳам купертиноликларнинг юбилей суперфлагмани каби ромсиз, «ўйиқ»ли экранга эга бўлиши мумкин. Аммо унинг корпуси ўзгаришсиз – оригинал iPhone SE моделидаги каби қолади. Янги авлод ихчам айфон ҳам Face ID тизими билан жиҳозланишини айтишмоқда. Concept Creator дизайнерлари тайёрлаган ушбу концепт видеода ҳам шуни кўришимиз мумкин:

Apple мазкур смартфонини қачон тақдим этиши борасида икки хил фикр бор. Айримлар уни кузда, купертиноликнинг асосий айфонлари билан бирга намойиш этилишини айтишса, қолганлар кейинги ойнинг бошидаёқ бўлиб ўтадиган WWDC 2018 анжуманида расман кўрсатилишини илгари суришаётир.

ЎҚИНГ: Ниҳоят, Apple расман iPhone SE 2 ва бошқа гаджетлар тақдимотига таклифнома тарқатди!

Сайтимизнинг энг чиройли расмларини Инстаграмдаги саҳифамизда томоша қилинг!