«iPhone X’га ўхшаш» Mi 7’нинг кечикиш сабаблари, янги «жонли» расми ва бошқа маълумотлари

  •   DiMaX
  •  2097
  •  27.02.2018 12:42

«iPhone X’га ўхшаш» Mi 7’нинг кечикиш сабаблари, янги «жонли» расми ва бошқа маълумотлари

Хитойлик инсайдерлар Xiaomi компаниясининг ҳали расман намойиш этилмаган айрим мобил қурилмалари ҳақидаги баъзи маълумотларни ошкор этишди. Жумладан, куни кеча «жонли» суратда орқа панелини кўрганимиз – Mi 7 флагманига тегишли янгиликлар ҳам бор.

ЎҚИНГ: Xiaomi Mi 7’нинг илк «жонли» фотосуратини кўрамиз!

Жумладан, Xiaomi компанияси Mi 7 флагманининг тақдимотини нега кечиктираётгани ҳақида таниқли хитойлик инсайдер Mocha RQ қизиқ фикр билдирган. Унинг таъкидлашига қараганда, смартфонсоз бу моделнинг экранига бармоқ изи сканерини интеграция қилишда қийинчиликларга дуч келмоқда. Шу сабабли, ҳали мазкур функция Mi 7 моделида бўлиш-бўлмаслиги ҳам аниқ эмас.

Шунингдек, унинг ёзишича, Mi 7 смартфони Samsung компанияси томонидан ишланган деярли ромсиз экранга эга. Дисплейнинг юқори қисмида, худди iPhone X’даги каби, «кемтик» ҳам мавжуд, дейди инсайдер.

Бироқ SlashLeaks сайти эълон қилган мана бу янги «жонли» фотосуратга қараганда, Mi 7 флагмани экранида «ўйиқ» бўлмайди:

Mocha RQ сўзларига ишонадиган бўлсак, Mi 7 смартфони жорий йилнинг иккинчи чорагидаёқ сотувга чиқарилади.

Айтиш керакки, Xiaomi’нинг савдога қўйилган кўплаб девайслари Ўзбекистон электроника бозорларига ҳам кириб келган ва катта талаб билан харид қилинмоқда.

ЎҚИНГ: Xiaomi смартфонлари ва бошқа гаджетларининг нархлари (2018 йил 26 февраль)

Хабарларни тез ва осон ўқиш учун Андроид иловамизни сақлаб олинг.