iPhone X рекламасига Муҳаммад Али ҳам жалб этилди
Apple компанияси вақти-вақти билан ўз рекламаларида машҳур шахслар образларидан фойдаланиб туради. Think Different кампаниясини ҳисобга олмаганда, бу каби ҳолларда ҳали ҳаёт бўлган машҳурлар қиёфалари қўлланади.
ЎҚИНГ: Apple "олмаси" нега "тишланган"ини кўпчилик билмайди
Бироқ ўзининг юбилей айфонининг тарғиботида компания яна марҳумлар кўмагига таянди ва буюк боксчи Муҳаммад Али образига мурожаат этди.
Apple эълон қилган янги видеоролигида iPhone X’нинг селфи олиш функциясини реклама қилган. Бу видеолавҳа смартфоннинг олд камерасида суратга олишда ёритишнинг қандай эффектларидан фойдаланиш мумкинлигини намойиш этишга қаратилган.
Мана, видеолавҳани томоша қиламиз:
Пайқаганингиздек, орқа планда боксчининг «Мен икки карра энг буюк бўлдим» деб номланган нутқидан олинган парча янграйди. Ўз-ўзидан маълумки, бу билан «Киши iPhone X орқали селфи олса, ўзини буюк ҳис этади», деган фикр илгари сурилган.
