iPhone Xc — арзон iPhone X ёрқин суратларда

iPhone Xc — арзон iPhone X ёрқин суратларда

iDrop News портали iPhone X флагманининг арзон талқини бўлиши кутилаётган iPhone Xc қандай бўлиши мумкинлиги акс этган концепция-суратларини эълон қилди.

Бир қарашда флагманнинг арзон моделини ишлаб чиқариш ғалати туйилиши мумкин, бироқ бунинг бир қанча сабаблари бор. Энг муҳими бу Apple учун рақобатга дош беришнинг муҳим шарти.

Бугунги кунда барча компаниялар ҳамёнбоп дисплейи ромсиз смартфонлар ишлаб чиқаришга киришиб кетдилар. Арзон смартфонларда ҳам бу тенденциянинг қўлланилиши уларнинг флагман моделлар дизайни билан ўхшашлигини йўққа чиқарди.

KGI маркетинг тадқиқотлари компаниясига кўра, Apple 2018 йилда 3 та ромсиз дисплейли iPhone тақдим этади. iPhone Xc шулардан бири бўлади. Унга OLED панели эмас, анъанавий LCD-экраннинг ўрнатилиши кутилмоқда.

Корпус эса поликарбонатдан ишлаб чиқарилади ва пишиқ бўлади. iPhone X корпуси эса шишадан тайёрланган. Уни симсиз ҳам қувватлаш мумкин.

iDrop News журналистларининг фикрича, iPhone Xc 450-550 доллардан сотувга чиқарилади. Флагман функциялари қаторида Apple бу смартфонини ҳам TrueDepth-камера технологияси билан таъминлайди.

Хабарларни тез ва осон ўқиш учун Андроид иловамизни сақлаб олинг.