Италиялик муҳандислар дунёдаги энг катта 3-Д принтер тайёрлашди
Big Delta деб ном берилган ускунанинг баландлиги 12 метр. Унинг ёрдамида биноларни қуришда сарфланадиган маблағларни сезиларли даражада қисқартириш имконияти юзага келади. Принтер катта бўлишига қарамай, уни ишлатишда жуда кам миқдорда электр қуввати сарфланади. Ускунани бўрон ва тошқинлар рўй берган узоқ жойларга олиб борса бўлади. 3-Д принтерни тайёрлаган мутахассисларнинг таъкидлашича ундан коинотда ҳам фойдаланиш мумкин.
Бирлашган Миллатлар Ташкилоти экспертларининг ҳисоб-китобларига кўра, яқин 15 йил давомида ер юзида ҳар куни минглаб бинолар бунёд этилади. Шу боис 3-Д принтер ёрдамида уй қуриш технологияси жуда зарур бўлади.
