Жаҳоннинг энг сердаромад смартфонлари рейтинги

Жаҳоннинг энг сердаромад смартфонлари рейтинги

Apple узоқ вақт мобайнида смартфон савдосидан тушадиган умумий фойданинг асосий қисмига эгалик қилиб келган. Counterpoint компанияси тадқиқотларига кўра, iPhone X смартфонидан келиб тушаётган фойда смартфон бозорида сотилаётган барча Android смартфонлар даромадидан ҳам юқори экан.

Экспертларнинг тасдиқлашларича, мазкур флагман модел Apple корпорациясига бошқа 600 та Android смартфон ишлаб чиқарадиган брендлар оладиган даромаддан 5 карра кўпроқ даромад келтирмоқда. Биргина iPhone X савдосидан компания оладиган даромад жаҳон смартфон савдосининг 35 фоизини ташкил қилади.

Ўқинг: Роскомнадзор Facebook Россияда қачон блокланишини айтди

Шунингдек, тадқиқотчи компаниянинг маълум қилишича, 2017 йилнинг сўнгги чорагида энг юқори даромад келтираётган смартфонлар рейтингидаги "кучли ўнлик"дан Apple ишлаб чиқараётган 8 та гаджет ўрин олган. Apple ишлаб чиқараётган эски моделлар ҳам ҳануз смартфон бозорида яхши сотилмоқда.

Шу билан бирга, жаҳоннинг энг сердаромад смартфонлари сафида iPhone 8 (19,1% улуш), iPhone 8 Plus (15,2%), iPhone 7 (6,2%) ҳамда iPhone 7 Plus (5%), Samsung Galaxy Note 8 (3,9%), iPhone 6 (1,8%), Galaxy S8 Plus (1,7 фоиз улуш), iPhone 6S (1,6%), iPhone SE (0,9%) каби мобил алоқа воситалари бор.

Counterpoint ҳисоб-китобларига кўра, ўтган йилнинг биринчи чорагида қиммат смартфонлар бозорида ўсиш кузатилмаган. Шунингдек, Apple энг кўп фойда кўрадиган бренд бўлиб қолмоқда. У мобил алоқа воситалари бозоридаги фойданинг 86 фоизига эгалик қилмоқда.

Ўқинг: Жаҳоннинг энг яхши смартфонлари рейтинги эълон қилинди

Хабарларни тез ва осон ўқиш учун Андроид иловамизни сақлаб олинг.