Камералар жанги: рингда Huawei P10 ва iPhone 7 Plus

Камералар жанги: рингда Huawei P10 ва iPhone 7 Plus

Huawei’нинг сўнгги флагмани бўлган Huawei P10 Жаҳон Мобиль Конгрессида тақдим этилаётганида компания раҳбари Ричард Йу ваъдани катта қилиб, P10’даги Leica услубидаги “Портрет” режими смартфонлардаги сурат олиш технологиясидаги муҳим янгилик эканини маълум қилди.

iPhone 7 Plus ҳам ушбу жиҳат, иккита объективдан иборат қўш камерага эга бўлгани туфайли P10’нинг суратга олиш имкониятларини ҳозирча энг илғор бўлган айфонники билан солиштиришга қарор қилдик.

Huawei P10 орқа панелида 2 та бири 12 мегапикселли анъанавий рангли сенсор ҳамда оқ-қора тасвирга олувчи 20 мегапикселли сенсор жойлашган. Улар олган суратлар омухталашиб, ранларга тўйинган ягона тасвир ҳосил бўлади. Ҳар иккала сенсор  ҳажми 27 мм бўлган f/2.2 оптик линзалар билан таъминланган. “Портрет” режимида иккала объектив биргалашиб, 3D ўлчамдаги сурат олади ва фойдаланувчи суратдаги қиёфанинг фокусини ўзи белгилаши ҳам мумкин.

iPhone 7 Plus смартфони тизими ҳам худди шу асосда ишлайди. Фақат бу айфондаги 2 та 12 МП сиғимли сенсорларнинг бирининг ҳажми 28 мм, линзаси f/1.8, бошқасининг камера ҳажми 56 мм, оптик линза тури f/2.8 га тенг. Яъни, iPhone катта ҳажмли линза ёруғликни яхшироқ ўтказади ва манзарани  деталларга бой равишда суратга олишда имкон яратади. Бу эса портрет жанри учун фотосурат олишда қўл келади.

Хўш, бу технологик инновация ва ёндашувдан қайси бири ўзини оқлайди ва амалда қайси мобиль камера олган сурат эътирофга муносиб? Биз қуйида, чап томонда iPhone 7 Plus ҳамда ўнг томонда Huawei P10 смартфонида олинган суратларни диққатингизга ҳавола қиламиз. Суратлар ҳеч бир тайёргарликсиз, жараёнда тўғридан-тўғри олинган.

                    Чапда: iPhone 7 Plus                                                                                       Ўнгда: Huawei P10 ва

Очиқ табиат шароитида олинган бу сурат Барселонанинг қуёшли кунларидан бирида олинган. Бу шартда iPhone 7 Plus мутлоқ ғолиб экани аниқ. Телефото линзасининг катталиги қўл келган ва камера ранг ва детал тўплашда илғор экани кўриниб турибди. Huawei’нинг суратида гарчи, орқа фон рангли бўлса ҳам, суратнинг асосий қаҳрамони бўлган Жеймснинг юзида ёруғлик баланси кўпайиб кетган. Қуйидаги суратда ҳам бунга гувоҳ бўлиш мумкин.

Чапда: iPhone 7 Plus                                                                                            Ўнгда: Huawei P10 ва

Хулоса чиқаришга шошманг. Энди имкониятларни ичкари шароитда синовдан ўтказамиз. Ичкарида эса iPhone смартфонининг қўли калталик қилгандек, гўё. Тўғри, у олган сурат ҳам сифат жиҳатдан ёмон эмас. Аммо, апертура приборининг секин ишлаши ва оптик барқарорлаштиришнинг йўқлиги уни Huawei’нинг девайсида олинган сурат билан тенглаштиришга халақит қилади. P10’нинг олган сурати тиниқ, орқа фон ёрқин муҳрланган. Бунда кенг бурчакли линзаларнинг ўрни бор, албатта. Айни шу жиҳат ҳам сурат фокусини танлашда иш беради. Рангни қайта ишлаш масаласида ҳам айфонда тажриба ва кўникманинг йўқлиги сезилиб турибди.

Қуйидаги суратлар ним қоронғу ресторанда олинган. Томнинг Huawei телефонида олинган сурати бирмунча ёрқин ва таассуротли. Ёруғликнинг етишмаслиги айфоннинг имкониятларини ҳам чеклаган.

Чапда: iPhone 7 Plus                                                                                                       Ўнгда: Huawei P10 ва 

Тунги шароитда олинган ушбу сурат 2 хил ва ҳар иккала камеранинг имкониятларини яққол кўрсатган. iPhone бу гал ҳам хитойлик ишлаб чиқарувчининг камерасига мағлуб бўлди. Ранг ва суратдаги деталлар эътирофга лойиқ. Одатда тунда суратга олиш барча илғор смартфонларга хос камчилик. Орқа фон ҳам P10 олган суратда тиниқроқ.

iPhone смартфонида тунги суратга олиш техник жиҳатдан ноқулайликларга эга. Жумладан, тунги режим ўрнатилган ва ёруғлик етишмовчилиги бўлишига қарамасдан, кўп ҳолларда фоточақноқнинг ёнмаслигига гувоҳ бўласиз.

P10’дан фарқли равишда, iPhone’нинг “Портрет” режими оқ-қора форматда сурат олмайди. Бу айфонда умумий режимда олинган сурат. Ўнг томондаги расмни эса P10 олган. Кўриниб турибдики, iPhone бу шартда жуда кичик фарқ билан пешқадам. P10 олган расмда сал-пал тиниқлик етишмайди. Унда олинган суратдаги шахснинг юз-қиёфа қисми хирадек.

iPhone’даги оқ-қора олувчи сенсорнинг катта ҳажмли линзалари бу ерда яна иш берди.

Қуйида эса Huawei’нинг монохром форматидаги ичкарида олинган таассуротли суратини кўриш мумкин. Суратда деталлар ва динамик диапазон ниҳоятда ёрқин.

Умумий ҳисоб:

iPhone 7 Plus: 3

Huawei P10: 2

Apple мобиль телефонининг камераси гарчи, баъзи жиҳатлари билан етакчи бўлса ҳам, Huawei’нинг сўнгги флагмани режим ва камера созламаларига бой.

Экспертларнинг фикрича, биз мобиль камера технологиясининг бу қадар жадал ривожланишининг илк босқичига гувоҳ бўляпмиз. Яқин йиллар ичида бу технология мисли кўрилмаган даражада ривожланади.

Сайт янгиликларидан доимий хабардор бўлиш учун Телеграм каналимизга қўшилинг!