KFC интернетни блоклайдиган палатка сота бошлади

Тезкор овқатлар тармоғи бўлган KFC ресторани "интернетдан қочиш"га ёрдамлашувчи палатка ишлаб чиқармоқда. Унинг мазали товуқли таомлар билан боғлиқлиги ҳақида бирор маълумот мавжуд эмас. Бироқ, бу ўтовчанинг ичига кирсангиз, интернетдан узилиб қоласиз. Боиси, ичкарида интернет алоқаси автоматик равишда блокланади.

Палатка кўринишидан эскимосларнинг ўтовларини эслатиб юборади. Унинг асоси пўлатдан тайёрланган бўлиб, устига кулранг тусидаги материал тортилган. Палатка тепасида эса KFC асосчиси, полковник Сандерснинг улкан қиёфаси мавжуд. Ҳаммасидан ҳам кўра товуқ оёғи шаклида ишланган эшик дастаги қизиқроқ бўлса керак.

Антиинтернет-палатканинг баҳоси товуқдан анча қиммат -- 10 минг доллар. Уни компаниянинг интернет-дўконларидан харид қилиш мумкин.