Коллекцион Leica M-P grip 15 минг долларга баҳоланди
Leice Camera компанияси Leica M-P камерасининг махсус коллекцион версиясини ишлаб чиқди. Янги версиянинг дизайни рассом ва фотограф Рольф Сакс билан ҳамкорликда яратилган.
Leica M-P grip комплектига камера ҳамда Leica Summilux-M 35 mm f/1.4 ASPH объективи киради. Махсус моделнинг жами 79 та нусхаси сотувга чиқарилиши режалаштирилган. Камерага шу йилнинг ноябрь ойидан бошлаб буюртма бериш мумкин бўлади.
Коллекцион камеранинг дизайнини яратиш жараёнида Рольф Сакс қора металл ва стол тенниси ракеткаларини ишлаб чиқаришда ишлатиладиган қизил резинали материалдан фойдаланди. Корпуснинг ён томонига машҳур рассомнинг имзоси ўйиб ишланади.
Янги коллекцион камеранинг техник кўрсаткичлари Leica M-P модели билан бир хил. Leica M-P grip 15 минг доллар нархида сотувга чиқарилади.