Кучли камерали Sony Xperia XZ Premium’нинг нархи, сотувга чиқиш вақти маълум бўлди

Кучли камерали Sony Xperia XZ Premium’нинг нархи, сотувга чиқиш вақти маълум бўлди

Жаҳондаги ноёб мобил камера технологиясига эга Sony Xperia XZ Premium гаджетининг сотувга чиқиш фурсати маълум қилинди. Инсайдер Роланд Квандтнинг ёзишича, жорий йилнинг февралида ўтказилган MWC 2017 анжуманида тақдим этилган мобил алоқа воситаси 1 июндан бошлаб Европада 840 АҚШ долларидан бошлаб сотувга чиқади.

Sony Xperia XZs смартфони 19 мегапикселли Motion Eye камера технологияси билан жаҳонда ягона. Мисол учун, бу технология идишдан тўкилган сувнинг томчиларини ҳам аниқ-тиниқ муҳрлай олади.

Бу бош сенсор профессионал камера каби секундига 960 та кадрни муҳрлашга қодир. f/2.0 стандартидаги оптик прибор ўрнатилган камерада гироскоп, фазани «ақлли» аниқлаш, лазерли автофокус, светодиодли фоточақноқ, сифатни текшириш каби функциялар мавжуд. Олд камера учун 13 мегапикселли кенг бурчакда сурат оладиган сенсор танланган. Унинг камерасида олинган суратларга баҳо беринг.

Гаджетнинг бошқа ўзига хос жиҳатлари: Qualcomm Snapdragon 835 кучли процессори, 4 гигабайтли тезкор 64 ГБ доимий хотира, сув ва чанг кирмайдиган алюминий корпус, 2,900 мА соат сиғимли аккумулятор, Android 7 Nougat операцион тизими, microSD–256 Гб.гача.

Terabayt.uz сайтининг видеолари: Youtube'даги каналимизда!