LG G7 илғор функцияси билан ақлни шошириб қўяди
MWC 2018 анжумани доирасида янги йилда тақдим қилинадиган Samsung Galaxy S9 ҳамда Galaxy S9+ смартфонлари тўғрисидаги барча техник жиҳатлар тарқалиб бўлди. Бироқ, LG G7 флагмани ҳозирча катта сир. Инсайдерлар яқин кунлар ичида бу телефонга оид маълумотларни қўлга киритдилар. Ишончли манбанинг хабар беришича, флагман фақатгина кучли платформа билан чекланиб қолмайди, балки фантастик жиҳат билан таъминланади. Бу илғор жиҳат ҳамманинг ақлини шошириб қўйишга қодир экан. Хусусан, суратга тушиб, видеоролик олиш ишқибозлари учун!
Манбанинг маълумот беришича, LG G7 смартфонини ишлаб чиқаришда кореялик корпорация унда LG V30'га хос элементлардан, жумладан олд панелни деярли эгаллаб олган ромсиз OLED-экрандан фойдаланади. Бу модел янада такомиллашган жиҳатларга бой бўлади. Мисол учун кўзнинг рангдор пардаси сканери. Шу билан бирга, юзни текширувдан ўтказувчи қиёфа сканери. Аҳамиятли жиҳати, бу датчик фаолияти аппарат эмас, дастурий таъминотга, аниқроғи мураккаб алгоритмларга асосоланган бўлади. Шу жиҳатдан унинг хавфсизлигига умид қилиш мумкин.
LG G7'нинг фантастик ўзига хослиги хусусида батафсил тўхталадиган бўлсак, у бу масалада Samsung Galaxy S8, Xiaomi Mi 7, Sony Xperia 2018 ва бошқа телефонларни ортда қолдиради. 2018 йилнинг январ-февралида кутилаётган смартфон бош камерасининг 2 та сенсорларидаги ёруғлик тақсимотига масъул мосламалар ҳали бирор смартфонда жорий қилинмаган -- f/1.4 стандартида бўлади.
LG V30 биринчилардан бўлиб f/1.6 ўлчамли диафрагмага эга бўлганини ҳисобга олсак, бу маълумот рост эканига шубҳа йўқ. Бу стандартдаги ёруғлик тақсимоти қурилмаси ёруғликни кўпроқ қамраб олиши билан сурат ҳамда видео тасвир сифатини кескин ошириб юборади. Фотограф ва блогерлар бу телефон камераси олган суратлардан ҳайратга тушишлари айтилмоқда.
LG G7'га тегишли экани тахмин қилинган чехолга кўра, фотокамера жойлашуви горизонтал услубда бўлади. Унинг қуйисида эса бармоқ изи сканери ҳам бўлади.
Телефон томонлар нисбати 18:9 стандартида бўлади, унга 8 ядроли Qualcomm Snapdragon 845 процессори ўрнатилади. 4 ГБ "оперативка" ҳамда 64 ГБ доимий хотира, қадоқдаёқ Android 8.1 Oreo телефон имкониятларини янада оширади.
