Маълум бўлди: Samsung Galaxy X келаси йил январда, Galaxy S10 эса февралда
Samsung компанияси ҳозирча Galaxy S9 смартфонини сотяпти ва Note 9 фаблетига тайёргарлик кўрмоқда. Аммо тармоқларда эгилувчан Galaxy X ва навбатдаги флагман – Galaxy S10 ҳақида хабар пайдо бўлди.
Хитойнинг Ice Universe деб номланган инсайдери Galaxy X’нинг 2019 йил январь ойида намойиш этилишини маълум қилди. Демак, бу воқеа 2019 йил Лас-Вегасда бўлиб ўтадиган кўргазмада юз беради. Хабарда айтилишича, компания 300-500 минг дона қурилма ишлаб чиқаради. Уларнинг нархи ҳам арзон эмас, нақ 1200 доллар.
Агар, Galaxy S10 ҳақида гап кетадиган бўлса, бу смартфон Барселонада бўлиб ўтадиган MWC 2019 халқаро кўргазмасида ўз дебютини амалга оширади.
Афсуски, қурилманинг тавсифи ҳақида маълум қилинмаган. Бироқ, миш-мишларга қараганда, иккала смартфон ҳам катта ва кенгформатли AMOLED-дисплейи ҳамда 3D-юз сканери билан таъминланади. Эҳтимол Galaxy S10 ҳам экран остида бармоқ излари сканери билан жиҳозланар.
