Мартнинг энг харидоргир смартфонлари ва юртимиздаги баҳоси

Мартнинг энг харидоргир смартфонлари ва юртимиздаги баҳоси

Смартфонлар бозори мунтазам ўзгармоқда. Айни пайтда эса бу бозорда тезкор оммалашаётган смартфонлар мавжуд. Эҳтимол, улар эртага ҳеч кимни қизиқтирмас, бироқ бугун уларни харид қилиш миллионлаб харидорларнинг истаги. GSMArena нашрининг маълум қилишича, 2018 йилнинг март ойи якунига келиб Xiaomi Redmi Note 5 Pro, Vivo V9 ҳамда Samsung Galaxy S9+ смартфонлари энг кўп изланган ва харид қилинаётган мобил қурилмалар рейтингида етакчилик қилмоқда.

Харидорларнинг бу смартфонларга қизиқишлари тасодиф эмас. Xiaomi Redmi Note 5 Pro яқиндагина Хитойда сотувга чиқарилди. У 18:9 нисбатли, 5.99 дюймли ҳамда FHD+ сиғимли экрани билан ўзига хос. Девайс Хитой ва Ҳиндистонда 218 АҚШ долларидан (4+64 Гб) бошлаб, 265 АҚШ долларигача (6/64 ГБ) сотилмоқда. Унинг бош камераси қўш сенсорли - 12 Мп + 5 Мп. Ва энг муҳим жиҳати - 20 мегапикселли селфи камераси бор!

Vivo V9 эса яқинда тақдим қилинган ва илғор жиҳатлари билан бемалол мақтана олади. VIVO V9 замонавий трендларга эргашган ҳолда тайёрланган смартфоннинг типик мисоли. Илғор жиҳатлар қаторида смартфоннинг селфи-камераси нақ 24 мегапикселли сенсорга эга бўлган.

Samsung Galaxy S9+ модели айни пайтда жаҳоннинг энг кучли флагманлардан бири сифатида қайд этилмоқда. Бу мобил девайсни юртимизда  7 260 000 сўмдан харид қилишингиз мумкин.

Тўртинчи ўринда Asus Zenfone Max Plus модели турибди. У 4130 мА∙соат сиғимли аккумулятори, 5,7 дюймли сифатли экрани, юпқа ром ҳамда пешқадам камералари билан ўзига хос.

Энг харидоргир смартфонлар рўйхатидаги "бешлик"ни Xiaomi Redmi Note 5 якунлаб берган. У Хитойдан ташқарида "Redmi 5 Plus" номи остида сотилмоқда. 155 АҚШ долларига 5.99 дюймли, FHD+ сиғимли (2160 x 1440 пикселли), IPS матрицали, 2.5D шаклидаги безак ҳамда Gorilla Glass ҳимоя шишаси билан қопланган экранга эга смартфон харид қилиш ҳаммага ҳам ёқади! Ўзбекистонда мазкур моделни 1 378 000 сўмдан харид қилиш мумкин.

Ўқинг: 20 мегапикселли Xiaomi-селфифони бугун сотувга чиқади

Олтинчи ўринда Жанубий кореялик Samsung Galaxy S9 флагмани турибди. Айни пайтда юртимиз дўконларида бу смартфон 6 476 250 сўмдан сотилмоқда.

Ундан кейин эса Xiaomi Mi A1 модели энг яхши сотилаётган экан. Xiaomi Mi A1 қўш камераси ва Google'дан дастурий таъминот олиб туриши билан ўзига хосдир. Ушбу телефонни юртимизда 1 568 000 сўмдан бошлаб сотиб олишингиз мумкин.

Ўқинг: Xiaomi Redmi 5 ва Redmi 5 Plus тақдим қилинди: тўлиқ экранли смартфон $120 доллардан

Саккизинчи ҳамда тўққизинчи ўринни ҳамёнбоп Xiaomi Redmi 5A ҳамда Samsung Galaxy J7 Prime моделлари эгаллаб олишган. Xiaomi Redmi 5A шу кунларда Ўзбекистонда 1 345 000 сўмдан сотуга чиқарилган.

Рейтингда сўнгги – ўнинчи ўринда эса нархига яраша жиҳатларга эга хитойлик энг яхши смартфон деб эътироф этилаётган Xiaomi Redmi 5 муносиб кўрилган. Бу смартфон 18:9 нисбатли, 5,7 дюймли, HD+ пиксел сиғимли экранга эга бўлган. Смартфон $120 доллардан бошлаб сотилмоқда. Юртимизда бу моделни 1 114 000 сўмдан харид қилиш мумкин.

Хабарларни тез ва осон ўқиш учун Андроид иловамизни сақлаб олинг.