MDC Prime S – катта AMOLED-экранли арзон 4G-смартфон
Сизга бу бренд яхши таниш – шу пайтгача MDC компаниясининг бир қатор смартфонлари ҳақида маълумотлар берганмиз. Бугун эса унинг яқинда савдога чиқарилган янги модели билан сизни таништирмоқчимиз.
Бу – сўнгги трендлар асосида – ромсиз экран дизайнида яратилган Prime S русумли 4G-смартфондир.
ЎҚИНГ: MDC Uzbekistan компанияси Блогерлар чемпионати учун махсус соврин ажратди
«Юраги» бақувват, хотираси кенг...
MDC Prime S смартфонининг ишлаш самарадорлигини таъминлаш учун унга саккиз ядроли процессор ўрнатилган. Бу – 2.23 ГГц такт частотасида ишловчи MediaTek Helio P25 (MT6757T) чипидир. ARM Mali-T880 MP2 русумли график тезлатгич ҳам унинг ишига яхши кўмакдош бўлади.
Шунингдек, қурилманинг 4 гигабайт ҳажмли тезкор хотираси ҳам унинг ишлаш тезлигида муҳим ўрин тутади. Шахсий маълумотларингизни сақлаш учун у нақ 64 гигабайтлик доимий хотира билан таъминланган. Агар буям камлик қилса, 64 гигабайтгача ҳажмли microSD-карта билан унинг хотирасини янада кенгайтиришингиз мумкин. Қурилма Android 7.0 операцион тизимида ишлайди.
Катта ва сифатли AMOLED-экран
Ҳар қандай смартфоннинг муҳим жиҳатларидан бири унинг дисплейидир. MDC компанияси шуни назарда тутган ҳолда, Prime S моделини ажойиб HD-экран билан жиҳозлашган. Унинг ўлчами диагоналига 5.5 дюймни ташкил этади, пикселлар сиғими эса 1280х720 пикселга (320 ppi) тенг.
AMOLED технологиясидаги экран матрицаси рангларни кенг диапазонда етказиб бера олади, унинг созламалари ҳам кўп. Умуман олганда, смартфонда ҳар қандай контентни кўриш, жумладан, видеолар томоша қилиш ҳам қулай. Ромсиз дизайндаги Prime S экрани адаптивлик хусусиятига эга, яъни, у ҳар бир иловага мослаб ёрқинликни созлаб бера олади.
Шунингдек, замонавий смартфонларда экран нафақат контентни акс эттириш, балки бошқариш воситаси ҳамдир. Prime S моделининг экрани HD технологиясида, мультитачли сенсори бир вақтнинг ўзида нақ ўнта бармоқ тегинишини сеза олади!
ЎҚИНГ: MDC Grand – бармоқ изи сканери ва HD-дисплейга эга энг ҳамёнбоп смартфон!
«Қўшкўз» телефон
Смартфонсозликдаги трендлардан яна бири – асосий камеранинг иккита модулга эга бўлишидир. Тўғри, Huawei янада илгарилаб кетиб, учта объективли бош камерага эга телефон ҳам ишлаб чиқарди. Аммо бошқа компаниялар асосан юқори нархли флагманларидагина бу ечимни қўллаб келишмоқда.
MDC ҳам шу уофга мос ҳолда, ўзининг Prime S смартфонини қўш модулли асосий камера билан жиҳозлаган. Улардан бири 16, иккинчиси эса 0.3 мегапикселли объективлар бўлиб, камерада Samsung’нинг илғор ISOCELL сенсори қўлланган. Ёруғлик-диодли фоточақноғи қоронғида ҳам яхши сифатли расмлар олишни таъминлайди.
Шунингдек, MDC селфи ихлосмандларини ҳам хурсанд қилишни кўзлаган – Prime S олд камераси 8 мегапикселли датчикка ҳамда автофокус функциясига эга.
Мазкур смартфон камераси панорама режимида, шунингдек юқори сифатли – HDR режимида ҳам суратга ола билади. Хуллас, MDC Prime S сизга мобил фотография учун кенг имкониятлар тақдим этади.
ЎҚИНГ: MDC Prime Lite – Ўзбекистондаги энг ҳамёнбоп қўш камерали смартфон
Мустаҳкам ҳимояли эргономик корпус
Фойдаланувчи учун смартфоннинг муҳим жиҳатларидан яна бири – унинг корпуси қўлга қулай бўлишидир. Prime S девайсида шу ҳам эътиборга олинган – унинг ўлчамлари 152.5х75.6х7.8 миллиметрга тенг. Вазнига келсак, бу телефон 156 грамм тош босади.
Корпус очилмайдиган қилиб ишланган, унинг чап томонида SIM-карталар ва хотира картаси жойланадиган уяча мавжуд. Ўнг қиррасида – бармоққа қулай жойда эса овозни баландлатиш-пастлатиш ҳамда телефонни ёқиш-ўчириш тугмачаларига кўзимиз тушади.
Смартфон корпусининг орқа панелида муҳим замонавий датчик ўрин олган. Бу – бармоқ изингиз орқали сизнинг биометрик маълумотларингизни тезда аниқлай оладиган дактилоскопик сканердир.
Бармоқ изи сканери сизнинг шахсий смартфондаги маълумотларингиз махфийлигини сақласа, қурилманинг ўзини ҳимоялаш ҳам ишлаб чиқарувчининг эътиборидан четда қолмаган. Ахир, MDC бу қурилмаси корпусини IP67 стандарти бўйича санг ва сувдан муҳофазали қилиб ишлаган.
Шунингдек, Prime S гаджети корпусида бир қатор керакли портлар жойлашган. Булардан бири – пастки қиррадан ўрин олган замонавий USB Type-C интерфейсидир. Бундан ташқари, экраннинг тепасида – сўзлашув динамиги ёнида анъанавий – ёруғликни ҳамда яқинлашувни аниқловчи датчиклар ҳам бор.
ЎҚИНГ: MDC Optima – металл корпусли 4G-смартфон
Бир «тўйса», 9 кунгача ишлайди!
Замонавий смартфонларнинг олдинги – тугмачали телефонларга нисбатан энг «нозик» томони – қуввати тез тугаши бўлса керак. MDC Prime S моделида эса батарея борасида «олтин ўрталик»ка амал қилинган. Унга 3000 мА/соат сиғимли, корпусдан ажралмайдиган, литий-ионли аккумулятор ўрнатилган.
Ишлаб чиқарувчининг таъкидлашича, смартфондан фаол фойдаланиш режимида унинг қуввати 4–10 соатга етади. Кутиш режимида эса бу аккумулятор нақ 200 соатдан ортиқ вақтга бардош бериди. Бу – тўққиз кун, дегани, ахир!
Иккита SIM-карта билан 4G тезлигидаги интернет
MDC Prime S смартфони билан илғор алоқа имкониятларидан баҳраманд бўла оласиз. Унда nano-SIM форматидаги иккита SIM-карта учун бўлмача мавжудлиги уяли алоқа операторлари орасида танлаш имкониятингизни кенгайтиради.
Смартфон уяли алоқанинг тўртинчи авлод – 4G тармоғини қўллаб-қувватлаши эса замон билан ҳамнафас ёшлар, интернет фойдаланувчилари учун айни муддао.
Шунингдек, Prime S симсиз алоқанинг Wi-Fi (802.11a/b/g/n) интерфейсини қўллаб-қувватлайди ва Wi-Fi Direct функциясига эга. Бошқа қурилмаларга уланиш учун у Bluetooth 4.0, контактсиз тўловларни амалга ошириш учун эса NFC модули билан ҳам жиҳозланган.
Дарвоқе, сунъий йўлдош орқали геолокацияни аниқлаш учун MDC Prime S смартфони GPS навигация билан таъминланган. Ушбу модул GPS, AGPS ва GLONASS тармоқларини қўллаб-қувватлайди. Смартфон яна ички компас, акселерометр кабиларга ҳам эга.
ЎҚИНГ: MDC Nova – ёшларбоп замонавий смартфон!
Тўлиқ жамланма
MDC компанияси Prime S смартфонини оқ ва қора рангли корпусларда тақдим этган. Унинг қулай қадоғида энг керакли барча аксессуарлар жойланган.
Яъни, қутида сиз смартфоннинг ўзидан ташқари Фойдаланувчи қўлланмаси, Type-C адаптери, USB-кабель ҳамда Type-C қулоқчини, ва шаффоф ғилофни ҳам топасиз.
Дарвоқе, кафолат талонини ҳам. Ахир, мазкур компания ўзининг барча маҳсулотларига 1 йиллик муддатли расмий кафолат хизматларини тақдим этади-да!
Хулласи калом, MDC Prime S – замонавий инсонлар учун меҳр ва юқори дид билан тайёрланган, энг сўнгги технологиялар билан таъминланган 4G-смартфондир. Бундай гаджет билан сиз сифатли алоқа имкониятларидан фойдаланишингиз, турли контентларни ромсиз AMOLED-дисплейда юқори сифатда томоша қилишингиз, интернет кенгликларида юқори тезликда сайр қилишингиз, шунингдек, фотография соҳасида ўз қобилиятларингизни кашф этишингиз мумкин.
MDC Prime S юртимиз бозорларида 1 250 000 сўм атрофида сотилмоқда. Унинг қора ва оқ рангдаги вариантларини топиш мумкин. Шунингдек, мазкур моделни olcha.uz интернет дўконидан (етказиб бериш Ўзбекистон бўйича бепул) ҳамёнбоп нархда харид қилса бўлади.
ЎҚИНГ: YouTube-каналимизга қўшилинг – MDC Prime Lite видеотавсифи жойланди!
