Meizu ғайриоддий повер-банкни сотувга чиқаради
«Illumination Entertainment» студиясининг миньонлар ҳақидаги Despicable Me 3 (Мен ярамас - 3) мультфильми Хитой кино прокатида рекорд даражада пул тўплагани муносабати билан, Meizu компанияси 7/7/17 санасида мазкур анимацион асарга бағишланган қизиқарли дизайндаги мавзули "қувват банкаси"ни намойиш қилди.
Meizu Power Bank Minion Yellow Special Edition деб номланган мазкур ташқи аккумулятор сариқ рангли корпусда бўлиб, унга мультфильм қаҳрамони бўлган миньоннинг қиёфаси туширилган. Шу билан бирга, аккумулятор мавзули дизайнга хос равишда ҳимоя ғилофига эга.
Meizu Power bank қувват банкаси 10 000 мА соат электр токини ўзида жам қила олади. Унинг ўзига хос жиҳати шундаки, аккумулятор тезкор қувват олади ва шунингдек, смартфонга тезкор қувват етказиб беради. Аниқроғи бу қурилма 10 дақиқада смартфон қувватини 25 фоизгача тўлдириши мумкин.
Meizu Power Bank Minion Yellow Special Edition 45 АҚШ долларидан сотувга чиқарилади.
