Meizu Pro 6 Plus – янги мусиқий флагман
Хитойнинг Meizu компанияси бугун Meizu Pro 6 Plus моделини расман намойиш қилди. Мазкур смартфон кучли техник параметрлар билан таъминланган бўлиб, ишлаб чиқарувчи томонидан мусиқий флагман сифатида позицияланмоқда.
Ferra сайтида келтирилган маълумотга кўра, қурилма металл корпус билан ўралган, ундаги бармоқ изи сканери Home тугмасига созланган. Смартфон 5,7 дюймли Quad HD форматидаги 3D Press функциясига эга бўлган Super AMOLED-дисплей, 12 МПли Sony IMX386 сенсори (фазали ва лазерли автофокус билан) ва айлана чақноқ билан жиҳозланган. Олд камеранинг аниқлиги 5 Мп. Шунингдек, моделда аудио сифатини оширишга хизмат қиладиган ESS ES9018K2M чипи, ADI AD45275 операцион кучайтиргичи ва Rubycon конденсатори ҳам кўзда тутилган.
Meizu Pro 6 Plus саккиз ядроли Samsung Exynos 8890 процессорида ишлайди. Тезкор хотирасининг сиғими 4 ГБ, 64 ёки 128 ГБ доимий хотирага эга. 3400 мА/соат сиғимидаги батарея тезкор зарядлаш функциясини қўллаб-қувватлайди. Қурилма иккита SIM-карта ишига мўлжалланган. LTE (VoLTE), NFC ва икки диапазонли Wi-Fi (802.11 a/b/g/n/ac; 2.4/5 ГГц) интерфейслари татбиқ этилган. Android 6.0 Marshmallow дастурида фаолият кўрсатади.
Meizu Pro 6 Plus 23 декабрда Хитойда сотувга чиқарилади. Нархи 64 ГБли версия учун 435 доллар, 128 ГБли версияси учун эса 479 долларни ташкил қилади.
