Mi 7 ҳақида Xiaomi фанатларини хурсанд қилмайдиган хабар чиқди
«Хитойча Олма»нинг навбатдаги флагмани – Mi 7 смартфони тақдимотига оз вақт қолди. Xiaomi бу қурилмасига кўплаб янги технологияларини – айримларини илк бора татбиқ этмоқчи.
ЎҚИНГ: Xiaomi фанатлари 5 йил кутган хусусият Mi 7’да жорий этилади
Шу билан бирга, дунё бўйлаб кўпчилик интиқлик билан кутаётган ушбу смартфон ҳақида кеча чиққан янгилик мазкур компания ишқибозларини хурсанд қилмаса керак. Гап шундаки, Xiaomi ўзининг сифатли, кўплаб инновацияларга эга қурилмаларига ҳам юқори нарх белгиламай келаётир. Аммо, GizmoChina нашрига кўра, Mi 7 нархи аввалги «авлод»ларидан анча баланд бўлар экан.
Хабарга кўра, хитойлик корпорация бу флагманига 3000 юандан кам бўлмаган қиймат белгиламоқчи. Бу эса тахминан 475 АҚШ долларига тўғри келади.
Агарда бу миш-мишлар тасдиқланса, янги флагман Mi туркумининг энг қиммат вакили бўлади. Бироқ бу яна шундан ҳам далолат берадики, Xiaomi мазкур моделига бир қатор юксак технологияли функцияларни жорий этаётир. Энг янги – илғор Snapdragon 845 процессори базасидаги бу смартфон юзни таниш, симсиз қувватлаш ҳамда сунъий идрок технологияларини ўзида мужассамлаштириши айтилаётир.
ЎҚИНГ: Xiaomi’нинг янги смартфонлари сунъий идрокка ва фантастик имкониятларга эга бўлади
Xiaomi’нинг шу пайтгача савдога чиқарилган бошқа моделлардаги смартфонларини эса Ўзбекистон бозорларида ёки онлайн савдо платформалари орқали харид қилиш имкони мавжуд.
ЎҚИНГ: Xiaomi смартфонларини AliExpress орқали «Малика»дагидан арзонроққа олинг!
