Micromax Canvas Infinity — $150 долларлик ҳамёнбоп ромсиз
Ромсиз смартфонларнинг жозибадорлиги қанчалар юқори бўлмасин, уларнинг ноқулай жиҳатлари ҳам бор. Бироқ, йирик экран ишқибозлари учун бир неча миллиметрли ром ҳам аҳамиятга эга. Бугун ромсизликнинг "олтин даври" эндигина бошланди. Ишлаб чиқарувчилар эса энг юпқа рамкали смартфон яратишга муккасидан тушиб кетишган. Улардан орқада қолишни истамаган Micromax компанияси ҳам йирик форматли Canvas Infinity ромсиз смартфонини тақдим қилди.
Micromax Canvas Infinity смартфони томонларининг нисбати 18:9 га тенг. 5,7 дюймли дисплейга эга смартфон экранининг пикселлар сиғими 1440х720 белгига тенг. Экран юзаси 2.5D шаклидаги ҳимоя шишаси билан қопланган.
Micromax Canvas Infinity кўринишидан хушбичим флагман бўлса ҳам, унга ўрта нархли смартфонларга ўрнатиладиган, 4 ядроли Snapdragon 425 процессори, 3 Гб тезкор ва 32 Гб доимий хотира ўрнатилган.
Micromax Canvas Infinity 16 Мп, f/2.0 оптик линзали олд камера ҳамда 13 мегапикселли бош камерага эга бўлган. Смартфонда 128 гигабайтгача хотира картасини қўллаб-қувватлайдиган microSD бўлмачаси, бармоқ излари сканери, ток сиғими 2900 мА соат бўлган аккумулятор ўрнатилган.
Смартфон Android 7.1.2 Nougat бошқарувида фаолият кўрсатади. Ишлаб чиқарувчининг сўзларига кўра, смартфон тез орада Android 8.0 Oreo'га янгиланади.
Micromax Canvas Infinity 1 сентябрдан $156 доллар баҳосида сотувга чиқарилади.
