Microsoft ноанъанавий смартфонга патент олди
Microsoft рўйхатдан ўтказган янги патентга кўра, компания корпуси иккига букланадиган мобил алоқа воситасини ишлаб чиқармоқчи. Манбааларнинг маълум қилишича, “Surface Phone” номли бу смартфонни яратиш режаси 2009 йилдан бўлган.
Патент ҳужжатида асосий эътибор қурилманинг механик қисми, яъни шарнир (ошиқ-мошиқ)га қаратилади. Унга кўра, смартфон 3 шаклга киради: 0 градусда – «ёпиқ», 180 градусда – «текис» ҳамда 360 градусда – «тўлиқ очиқ» формада бўлади. У турли шаклга кирганида, жумладан тўлиқ текис ҳолатда экранда чоклар билинмаслиги учун магнит ва “ақлли” механизмлардан фойдаланилади.
Шунингдек патент гувоҳномасида кўрсатилишича, экраннинг турли бурчакларида бир нечта фойдаланувчи интерфейсидан фойдаланилиши мумкин. Бу қайишқоқ смартфон Windows операцион тизимида ишлайди.
