Microsoft Qualcomm Snapdragon чипида ишлайдиган планшетни сотувга чиқариши мумкин
Бундан бир неча кун олдин Microsoft компанияси Qualcomm ҳамкорлик борасидан келишувга эришгани ва яқин келажакда Windows 10 дастури Snapdragon чипида ишлайдиган қурилмаларда пайдо бўлиши ҳақида сайтимизда хабар қилган эдик.
PatentlyApple сайтининг куни кеча берган маълумотларига кўра, келаётган пайшанба куни Microsoft Хитойнинг Шэньчжен шаҳрида ўтказиладиган дастурчиларга бағишланган конференцияда бир кристалли Qualcomm Snapdragon процессорида фаолият кўрсатадиган ноутбук ҳамда планшетларни намойиш қилиши мумкин экан.
Мазкур қурилмаларга, манбанинг қайд этишича, уяли модем ўрнатилади. SoC Qualcomm Snapdragon процессори эса гаджетларга сезиларли даражада камроқ энергия сарфлашига имконият беради. Microsoft’нинг янги планшети эса Windows 10 дастурида ишлаши маълум қилинган.
Qualcomm Snapdragon процессори билан қувватланган ва Windows 10 дастурида ишлайдиган Microsoft компаниясининг янги гаджетлари 2017 йилнинг иккинчи ярмида сотувга чиқади.
