Моноблок ҳақида умумий тушунча

Моноблок ёки компьютер?

Янги компьютер олиш жараёнида, бир неча саволлар туғилади. Илгари компьютер ва ноутбук танлови бўлган бўлса, ҳозирда танлаш озгина мураккаблашган, сабаби, компьютер, ноутбук қаторига, моноблок ҳам қўшилди. Ҳозирги кунда моноблокни, интернет-магазинларда кенг ассортиментларда учратиш мумкин. Компьютер танлашда: оддий ёки моноблок танловига ушбу мақолада таъриф бераман.

Компьютер-моноблок нима?

Компьютернинг бу икки турини таққослашдан аввал моноблокнинг хусусиятларини кўриш лозим.

Компьютер-моноблок – бу компьютер, мониторга созланган система блок. Бир сўз билан айтганда, моноблок – бу мониторни ўзида, система блоки жамланган кўринишидир(процессор, она плата, ОЗУ, винчестер, видеокарта, электр таъминот блоки(блок питания)). Моноблокка уланадиган қўшимча қурилмалар(клавиатура, монитор, сичқонча,…) учун разъем, унинг орқа ёки ён қисмида жойлашган бўлади.

Моноблок, ноутбук сингари жамланмаларни ўзида мужассамлаштиради. Моноблокка оддий система блоки сингари, клавиатура, сичқонча, принтер ҳатто иккинчи мониторни хам улаш мумкин. У мукаммал ишлаши учун, клавиатура ва сичқончани уласангиз бас.

Компьютер-моноблокни афзаллик ва камчиликлари.

Қулайлик жиҳатидан қарасак, моноблок юқори ўринларда туради. Чунки у жуда ихчам ва енгилдир. Столимиз устида катта жой эгалламайди ва оддий компьютер каби уланиш симларидан иборат эмас. Ундан ташқари, уни бир жойдан иккинчи жойга кўчириш ҳам муаммо туғдирмайди.

Кўринишига келадиган бўлсак, моноблок одатий монитордан каттароқ бўлиб, оғирлиги ҳам бироз оғирроқдир.

Оддий компьютернинг асосий ва алоҳида афзаллиги, ишлаш тезлиги ва қўшимча қурилмаларни бемалол алмаштиришдан иборатлигидир. Бардошлилиги жиҳатидан, оддий компьютер моноблокка қараганда бардошлироқдир.

Биз, система блокини қопқоғини очиб, қўшимча элементларни эскисини олиб, янгисини қўйиб, янгилашга ўрганиб қолганмиз, моноблокда эса, аввал элементларни ўрганиб, уларни алмаштириш мумкинлигига ишонч хосил қилгандан сўнг ўзгартириш мумкин. Айрим моноблоклар моделларида, элементларни ўзгартириб ҳам бўлмайди. Бундан ташқари ўзгартириш учун мос бўлган элементларни топиш зарур, буни топиш эса бироз қийинроқ.

Бунга мисол қилиб, совутиш тизимини олиш мумкин. Оддий компьютерларда процессор учун куллер, электр таъминот блоки учун куллер ҳаттоки, видеокарта учун ҳам куллерлар ишлатилади, камига яна қўшимча куллер ўрнатиш ҳам мумкин бўлади. Моноблокда эса, тизимни совутиш бунчалик ривожланмаган ва иссиқ кунларда моноблокни қизиши, уни ишлашига ёмон таъсир қилиши мумкин.

Қайси танлов мақулроқ?

Енди асосий саволга жавоб излашга ҳаракат қилайлик. Умуман олганда қайсини яхши деб олиш нотуғри чунки бу қурилмаларнинг ўз вазифаси мавжуд.

Нарх жиҳатидан моноблок одатий система блоки ва монитордан қимматроқ.

Моноблок, мактаб ўқувчилари, талабалар ва албатта ишчилар учун яхши танлов. Бу компьютер тури кучли 3D ўйинлар ва Bly-ray сифатидаги филмалар учун мос келмайди.

Агар сиз асосан интернет, офис иловалар, мини-ўйинлар, мусиқа ва видео кўриш учун компьютер қидираётган бўлсангиз, моноблок яхши танлов бўлади.

Моноблокнинг алохида афзаллиги хонада жойни тежаши. Бундан ташқари, моноблок офис учун энг яхши танлов.

Моноблок сотиб олишда параметрлари юқори бўлишини инобатга олиш зарур. Агар кучлироқ компьютер (қудратли ўйинлар, юқори даражадаги филмлар) учун келажакда янгилаш ниятида бўлсангиз, моноблок танлови бу ҳолатда яхши ечим эмас, унинг учун оддий монитор ва система блоки кўринишидаги компьютер сотиб олинг.

Сенсор экранли моноблоклар хам мавжуд бўлиб, планшет компьютернинг турли моделлари хам бор, лекин у ҳам қиммат туради.

Моноблок ҳақида умумий тушунча шулардан иборат. Бизда бу тур компьютер унчалик ривожланмаган.

Манба: ITportal.uz