Муҳташам Huawei P20: уч модулли камерага эга флагманнинг илк суратларини томоша қиламиз!
2017 йилда смартфонсозликда камераларнинг қўш объективли бўлиши урфга кирган бўлса, ҳаммадан олдин Huawei бундан ҳам ўзиб, учта датчикка эга камерали флагман тайёрлашга киришди. Бироқ компания шу пайтгача мазкур телефоннинг суратини ҳам намойиш этгани йўқ.
ЎҚИНГ: Huawei P20 – дунёдаги энг қудратли фантастик смартфон бўлади
Шундай бўлса-да, Huawei компаниясининг бу флагмани хусусида кўплаб миш-мишлар, концепт суратлар тарқалган.
Хитойлик корпорация жорий йилнинг 27 март санасига тақдимот маросимини режалаштирган. Афтидан, бу тадбирда у ўша – барча кўз тикиб кутаётган Huawei P20 (ёки P11) флагманларини намойиш этмоқчи.
ЎҚИНГ: Huawei P11 (P20) тақдимот санаси ва жойи тасдиқланди, аммо бу MWC 2018 эмас!
Янги флагманнинг асосий «фишка»си, юқорида таъкидланганидек, бош камерасининг уч модулли бўлишидир. Интернетда буни тасдиқловчи суратлар тарқалди – улар ушбу смартфон учун ғилоф тайёрловчи компаниядан «сизиб» чиққан.
Бироқ интернетда бирданига бу флагманнинг бир нечта расми тарқалди. Улардан бирида экран қурилманинг олд юзасини буткул қоплаган, иккинчисида эса дисплейнинг юқориси ва пастида ромлар, шунингдек, бармоқ изи сканерига эга тугмача ҳам мавжуд. Таҳлилчилар фикрича, шу иккинчи варианти ҳақиқатга яқинроқ.
Бироқ флагман учта талқинда тақдим этиладиган бўлса, мазкур суратлар уларнинг шу турли модификацияларига тегишли бўлиши ҳам мумкин.
ЎҚИНГ: Huawei’нинг навбатдаги флагмани уч хил талқинда чиқади ва у P11 эмас экан!
Учта датчикли асосий камера қандай ишлаши ҳозирча маълум эмас. Huawei’нинг шу пайтгача тақдим этилган замонавий флагманларида иккинчи – оқ-қора модул тасвирнинг ҳамда оптик зумнинг сифатини яхшилаш учун қўлланади.
Шунингдек, P20 моделининг олд камераси ҳам қўш сенсорли бўлиши айтилаётир. Флагман Huawei’нинг ўз ишланмаси – сунъий идрок тизими билан таъминланган Kirin 970 процессори билан жиҳозланади.
