MWC 2018’да рекорд: бу компания биратўла 15 хил смартфон олиб келди!
Барселонада ўтказилиб келаётган анъанавий Mobile World Congress анжумани – электроника маҳсулотларининг энг йирик кўргазмаларидан биридир. Бу йилги тадбир айни дамда қизғин палласига кирган.
ЎҚИНГ: MWC 2018: iPhone X'нинг 150 долларлик нусхаси намойиш қилинди
Шундай ажойиб имкониятни қўлдан бой бергиси келмаганиданми, Хитойнинг Bluboo компанияси MWC 2018 анжуманига нақ ўн бешта моделда турли смартфонларини олиб келди! Улар орасида аввал намойиш этилган моделлар ҳам, мутлақо янги гаджетлар ҳам мавжуд.
Bluboo стендидаги барча телефонлар ўз кўриниши, техник хусусиятлари ва имкониятларига кўра ўзаро фарқланади. Айрим янги моделлар ўзининг кучли жиҳатлари билан диққатга ва ҳайратга сазовор.
Мазкур ишлаб чиқарувчи маҳсулотлари орасида асосий «юлдуз» – янги Bluboo S2 модели бўлди. Бу қурилманинг асосий ўзига хослиги – «қайрилма» камераси бўлиб, унинг ўзи ҳам асосий, ҳам селфи-камера вазифасини бажаради. Кўпчилик смартфонсозлар олд камерани номигагина жойласа, Bluboo S2 моделида ундай эмас – ишлаб чиқарувчининг даъво қилишича, бу модел энг яхши селфилар олишга қодир.
Шунингдек, Bluboo стендида унинг ўтган йилги S1 смартфони ҳам намойишга қўйилган. Мазкур девайс уч томони юпқа ромли бўлган 5,5 дюймли дисплейга эга. Bluboo S3 модели эса қўшалоқ камера, томонлари ўзаро 18:9 нисбатли экран ва сиғимдор аккумулятор билан жиҳозланган. Шунингдек, яқинда чиқарилган Bluboo S8 ҳамда S8 Plus флагманлари ҳам намойишга олиб келинган; улар саккиз ядроли MediaTek процессорлари, қўш объективли камералари ва кенг форматли дисплейлари билан эътиборга лойиқ.
Bluboo тақдим этаётган смартфонлар орасида яна қуйидагилар бор: портрет режимидаги суратлар учун қўш камера билан таъминланган Bluboo Dual; диагоналига 5 дюймлик экранли D1 ҳамда D1 Pro; ҳимояланган R2 ва R2 Pro, тўлиқ экранли D5 ва унинг Pro-версияси, ғайриоддий дизайнли ва ҳамёнбоп Bluboo Maya; 4200 мА/соатлик аккумуляторга эга Maya Max; зарбага чидамли корпусга ва томонлари 18:9 нисбатли экранга эга Bluboo RX моделлари.
Ишлаб чиқарувчининг шу ва бошқа смартфонлари билан унинг расмий сайтида танишиш мумкин. Савдога чиқарилган моделларни эса онлайн савдо платформалари орқали харид қилиш имкони мавжуд.
ЎҚИНГ: AliExpress’даги товарларга «Terabayt.uz» орқали буюртма беринг!
