Ниҳоят, iPhone SE 2’нинг илк «жонли» суратлари чиқди!

  •   DiMaX
  •  2089
  •  26.04.2018 19:55

Ниҳоят, iPhone SE 2’нинг илк «жонли» суратлари чиқди!

Купертинолик гигантнинг iPhone SE ихчам смартфони кутилганидан кўра яхшироқ оммалашиб, ҳозир ҳам дунё бўйича кенг қўлланилмоқда. Шу боис Apple унинг иккинчи авлод моделини тайёрлаётгани ҳақида анчадан бери гап-сўзлар юрганидан хабарингиз бор.

ЎҚИНГ: Янги iPhone SE кейинги ҳафтадаёқ чиқиши мумкин!

Weibo ижтимоий тармоғида инсайдерлар янги iPhone SE 2 моделининг «жонли» расмлари эълон қилишди. Ундаги асосий ўзгариш – корпуснинг орқа панели шишадан ишланганлигидир. Афтидан, бу ечим смартфонда симсиз қувватлаш технологиясини жорий этиш билан боғлиқдир. Камера ва унинг чақноғи ўз жойида қолган, уларнинг ўлчамлари ҳам ўзгармаган. Корпус қирралари алюминий ром билан ҳошияланган.

iPhone SE 2 (2018) деб ҳам аталувчи ушбу гаджет корпусининг пастки қиррасида анъанавий – 3,5 миллиметрлик қулоқчин тирқиши сақланган. Олд панелда эса моддий «Home» тугмачаси сақланган бўлиб, унга Touch ID татбиқ этилган.

Ушбу суратларга қараганда, «олмали» корпорация харажатларни камайтириш мақсадида iPhone SE 2 моделида ҳам эски дизайнни қўллашда давом этмоқчи.

Шу пайтгача тарқалган хабарларга кўра, iPhone SE 2 смартфонига Apple A10 процессори ва 5 мегапикселли олд камера ўрнатилади.

Айтиш керакки, Apple ҳозирча ушбу модел ҳақида бирорта ҳам расмий маълумот берган эмас. Шу пайтгача бозорга чиқарилган бошқа русумлардаги айфонларнинг аксариятини Ўзбекистонда ҳам харид қилиш мумкин.

ЎҚИНГ: Пойтахтимизда iPhone нархлари (2018 йил 18 апрель)

Хабарларни тез ва осон ўқиш учун Андроид иловамизни сақлаб олинг.