Ниҳоят, ультра-ҳамёнбоп Nokia 2 тақдим этилди! (+видео)

Ниҳоят, ультра-ҳамёнбоп Nokia 2 тақдим этилди! (+видео)

HMD Global ўзининг янги – Nokia 2 смартфонини тақдим этди. Бу хусусда компаниянинг расмий сайтида маълумот берилган.

Nokia 2 – мазкур бренднинг ўта ҳамёнбоп смартфони бўлиб, ишлаб чиқарувчининг таъкидлашича, сиғимдор аккумулятори унинг икки кун қувватлашсиз ишлашини таъминлаб беради.

Янги девайсга диагонали 5 дюйм бўлган, HD сифатли (720х1280 пикселли) дисплей ўрнатилган. Унинг асосий камераси 8, селфи-камераси эса 5 мегапикселли расмлар олишга мўлжалланган. Гаджет тўрт ядроли Qualcomm Snapdragon 212 процессори базасида ишлайди. Унинг хотираси эса ҳамёнбоплигига яраша: смартфон 1 гигабайт тезкор ва 8 гигабайт ички хотирага эга. Аммо microSD форматли карта ёрдамида унинг қўшимча хотираси ҳажмини 128 гигабайтгача ошириш имкони мавжуд.

Бироқ Nokia 2’нинг батареяси эътиборга лойиқ – нақ 4100 мА/соат сиғимга эга! Мана, қуйидаги видеороликда ҳам унинг асосан шу жиҳатига урғу берилган:

Nokia 2 иккита SIM-карта билан ишлай олади, шунингдек, симсиз алоқанинг 4G VoLTE, Wi-Fi (802.11 b/g/n), Bluetooth 4.1, GPS ва ГЛОНАСС интерфейсларини қўллаб-қувватлайди. Унда FM-радио ҳамда қулоқчин учун 3,5 миллиметрлик тирқиш мавжуд.

Смартфон Android операцион тизимининг 7.1.1 Nougat талқини бошқарувида ишлайди. HMD Global’нинг ваъда қилишича, у Android 8.0 Oreo талқинигача янгилана олади.

ЎҚИНГ: Nokia 2 – бренднинг энг арзон смартфони унинг энг катта хатоси бўлиши мумкин

Қурилманинг ўлчамлари 143,5х71,3х9,3 миллиметрга тенг. Nokia 2 корпуси қора, оқ ва мис туси берилган қора рангларда чиқарилади. У дунё бозорига 2017 йилнинг ноябриданоқ тақдим этилади. Янги моделнинг нархи 99 евро атрофида бўлиши айтилаётир.

Хабарларни тез ва осон ўқиш учун Андроид иловамизни сақлаб олинг.

DiMaX

Технологияларга қизиқувчи, бу борадаги янгиликларни имкон қадар кузатувчи ва маъқул топганларини бошқалар билан баҳам кўришни ёқтирувчи фрилансер.