Ниҳоят, Xiaomi илк бор Mi MIX 2S’ни расман кўрсатди!
Жорий ойда дунё бўйича кутилаётган смартфон тақдимотларидан бири Huawei P20 смартфонларининг намойиши бўлса, иккинчиси Xiaomi Mi MIX 2S моделининг тақдим этилишидир. Хитойлик бу икки ишлаб чиқарувчининг флагманлари айни бир кунда – 27 мартда оммага расман тақдим этилади.
ЎҚИНГ: Xiaomi: «сунъий онг»ли Mi MIX 2S камерасининг модуллари бир-биридан мустақил ишлайди!
«Хитойча Apple» ўзининг Mi MIX 2S флагманини 8 ядроли Snapdragon 845 чипи билан жиҳозлагани, унинг бошқа хусусиятлари ҳақида интернетда маълумотлар кўп; шунингдек, бу флагманнинг суратлари ва ҳатто видеосини ҳам эълон қилганмиз.
Бугун – 19 март куни эса Xiaomi компанияси, ниҳоят, Mi MIX 2S смартфонининг расмий суратини кўрсатди. Унда девайснинг олд томонидан кўриниши акс эттирилган бўлиб, қурилма 2017 йилнинг сентябрида тақдим этилган классик Mi MIX 2 моделидан умуман фарқ қилмайди. Экранининг тепа ва ён томонлари деярли ромсиз бўлса-да, пастида энлигина ром мавжуд.
Аввалроқ Xiaomi Mi MIX 2S смартфони дисплейининг юқори чап бурчагида «ўйиқ» бўлиши ҳақида ҳам хабарлар чиққанди. Хитойликлар ҳатто худди шундай дизайндаги смартфон видеосини ҳам кўрсатишган эди.
ЎҚИНГ: ЭКСКЛЮЗИВ ВИДЕО: Xiaomi Mi Mix 2S олд камераси экран бурчагидаги «кемтик»да экан!
Лекин расмий суратида кўриб турганимиздек, буларнинг бари фейк бўлиб чиқди. Демак, селфи-камера ва бошқа тегишли датчиклар экран остидаги мана шу ромнинг бир чеккасига жойлаштирилган бўлса керак.
Xiaomi Mi MIX 2S ҳақидаги бошқа маълумотларни сайтимизда олдин эълон қилинган мақолалар орқали олишингиз мумкин. Бу компаниянинг аллақачон савдога чиқарилган бошқа гаджетларининг айримлари эса Ўзбекистон бозорларида ҳам сотилмоқда.
ЎҚИНГ: Xiaomi смартфонлари ва бошқа девайсларининг нархлари (2018 йил 19 март)
