Олдинда iPhone X Plus тақдимоти ҳам кутилмоқда

Олдинда iPhone X Plus тақдимоти ҳам кутилмоқда

iPhone X ҳали бозорга чиқиб улгурмасидан баъзи бир қизиқувчан экспертлар "Олма"нинг кейинги флагманига оид маълумотларни тарқатишмоқда. Маълумотларга кўра, Apple айни пайтда 6,4 дюймли ромсиз iPhone устида ишламоқда ва тармоқда «iPhone X Plus» номли бу гаджетнинг илк суратлари ҳам тарқалмоқда.

Қанча катта бўлса — шунча яхши!

Шу вақтга қадар тарқалган рендер суратларга кўра, 6,4 дюймли iPhone X Plus'нинг олд панели деярли экрандан иборат, шунингдек унинг "қоши"даги ўша машҳур "оролча" сақланиб қолган. 5,8 дюймли iPhone X билан таққослаганда, экран ҳамда смартфон ҳажми сезиларли равишда катталашган.

2018 йилда бизни қандай iPhone кутмоқда?

Ўтган ойдаёқ Apple'нинг 2018 йилда биратўла 2 та ромсиз дизайндаги смартфон тақдим қилиши тўғрисидаги маълумотлар тарқалган эди. Улардан бирининг экрани 5,28 дюймли, бошқаси 6 дюймдан каттароқ бўлиши айтилган эди.

Инсайдерларнинг ёзишларича, iPhone X Plus кутилганиден эртароқ бозорга чиқарилади. Эҳтимол, у 2018 йилнинг баҳорида бўлиб ўтадиган анъанавий тақдимотда намойиш қилинади. Техник жиҳатдан бу флагман "аждоди"дан у қадар катта фарқ қилмайди.

Хабарларни тез ва осон ўқиш учун Андроид иловамизни сақлаб олинг.

Шуҳрат Сатторов

Журналист ва таржимон, 2012 йилдан ахборот технологиялари соҳасида фаолият юритиб келмоқда. Мобиль технологиялар, коммуникация, "электрон ҳукумат" тизими йўналишларида илмий изланиш олиб боради.