Oukitel ўзининг "Xiaomi Mix 2"сини 2 баробар арзонга баҳолади

Oukitel ўзининг

Бир муддат аввал тақдим қилинган ромсиз Oukitel Mix 2 смартфони ташқи кўринишидан Xiaomi Mix 2 флагманини эслатиши баробарида, ундан анча арзон. Мисоли эгизклардек. бир-бирига ўхшаш гаджетларнинг аппарат таъминоти ҳам деярли бир хил.

Oukitel Mix 2 экрани Xiaomi Mix 2'ники билан бир хил: 5,99 дюймли Full HD+ дисплей, металл рамка ва шишали орқа панелга эга бўлган. Шу билан бирга, девайсга бири 21, бошқаси 2 Мп бўлган 2 та сенсордан иборат бош камера мавжуд. Селфи камера учун 13 мегапикселли олд камера танланган. Камера ҳам Xiaomi'нинг флагмани каби, 4 К видео тасвирга олади.

Oukitel Mix 2'да ҳам тезкор хотира 6, доимий хотира 64 гигабайтли. Шунингдек, аккумулятор сиғими анча юқори -- 4080 мА соат. Xiaomi эса флагманига 3300 мА соат ток сиғимига эга батарея ўрнатган. Уларнинг ҳар иккаласида тезкор қувват олиш технологияси мавжуд.

Технологик жиҳатдан бу иккала смартфонлар ўртасидаги ягона фарқ -- процессорида. Xiaomi ном қозонган Snapdragon 835'ни ўрнатган бўлса, Oukitel Mix 2'да 8 ядроли Helio P25 ўрнатилган.

Қуйидаги жадвалда смартфонларни таққосланг:

 

Xiaomi MIX 2

OUKITEL MIX 2

Экран

5.99" 18:9 FHD+

5.99" 18:9 FHD+

Сиғими

2160*1080 

2160*1080

Орқа панели

Керамика

Шиша

Камера

12MP+5MP

16MP&2MP+ 13MP

Фоточақноқ

Бир тусли 

Икки тусли

Тезкор ва доимий хотира

6GB RAM+64GB ROM

6GB RAM+64GB ROM

Батарея

3300 мА соат  

4080 мА соат  

Зарядка

9V/2A тезкор қувватлаш

9V/2A тезкор қувватлаш

WiFi

WIFI 5.0G/2.4G

WIFI 5.0G/2.4G

Видео суратга олиш

4K

4K

Процессор

8 ядроли Snapdragon 835

8 ядроли Helio P25

SIM

2 та сим-карта

2 та сим-карта

Нархи

$589.99

$299.99

 Нарх-наво
Xiaomi Mix 2 айни пайтда $589,99 АҚШ долларидан сотилмоқда. Oukitel Mix 2 эса бозорга октябрда $299,99 доллардан чиқарилади.

Шуҳрат Сатторов

Журналист ва таржимон, 2012 йилдан ахборот технологиялари соҳасида фаолият юритиб келмоқда. Мобиль технологиялар, коммуникация, "электрон ҳукумат" тизими йўналишларида илмий изланиш олиб боради.